Во вториот период од играта, парцијално гледано, Кожув направи (34:21), обезбеди предност која ја одбрани во второто полувреме, доволно за трет првенствен успех, и 50% на успешност по шест одиграни кола.
КОЖУВ – МКК КУМАНОВО 82:74
Израмнет почеток виде публиката во салата „26.април’ во Гевгелија на овој натпревар. А екипата на МКК Куманово прва се стекна со некоја солидна позитива. По серијата од седум поени, беше изразена со шест поени (20:14), кога се играше 8.минута. Во наредните две, само два поени, и тоа на домашната страна, за резултат, (16:20).
Со серијата (8-3) реализирана во неполни две минути, Кожув го превзема водството (24:23).
Пилепиќ и Стевановиќ, потоа и Вилсон, „влегоа“ во препознатливиот поентерски „мод“, па екипата на Кожув брзо изгради и двоцифрено водство (45:34), евидентирано во 18.минута. Додека на другата страна (со 15.поени), парираше единствено Радукиќ.
Слично беше и на крајот на првото полувреме, водство за гевгеличани (50:41), кои во тие десет минути реализираа дури 34.поени (примија 13 помалку).
Им требаше доста време на кумановци да дојдат во ситуација во која ќе размислуваат и за пресврт. До тоа дојдоа во последната минута од третата четвртина, кога по тројката на Тадиќ, имаа минус од само пет поени (59:64).
Уште поблиску „сино-белите“ беа на средината од последниот дел, кога Јанески намали на (66:68). Но Вилсон и Колев го одбија тој напад, а Пилепиќ, со тројка, ги симна дилемите околу конечниот пбедник. Погоди за (78:70) на 2:17 минути до крајот, а Стевановиќ ја донесе „пресудата“, зголеми на (82:70).
Бековскиот двоец искомбинира 40.поени за Кожув, Вилсон додаде уште 19, вреден беше и ефектот на Хауард, кој освен осум поени, собра и 14.топки под двата коша.
Радукиќ застана на бројка од 23.поени, Јанески имаше 15, а Тадиќ уште 12.поени за МКК Куманово кој по овој пораз останува на скор (2-4).
ФОТО: Филип Данински (КК Кожув-Гевгелија)
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 6.КОЛО
Чаир 2030 – Вардар 104:80
Кожув – МКК Куманово 82:74
Шкупи – Тиквеш Голден Игл 85:82
Пелистер - Феникс 2010 110:93
10. НОЕМВРИ (НЕДЕЛА)
18.00: МЗТ Скопје Аеродром – Гостивар
Голема сала СЦ „Јане Сандански“ – Скопје
ЛИНК: https://www.youtube.com/live/GeSSuP8e5RA?si=lPoNze1v_zhYHnDe
11. НОЕМВРИ (ПОНЕДЕЛНИК)
18.00: Работнички – ТФТ (МРТ3)
Сала СРЦ „Кале “ – Скопје
ЛИНК: https://www.youtube.com/live/NiCr9c0dEbo?si=LLu5eDyolBi6Xbjk
ТАБЕЛА: Чаир 2030 11, Пелистер 11, ТФТ 10 (-1), Работнички 9 (-1), Кожув 9, МЗТ Скопје Аеродром 8 (-1), Тиквеш Голден Игл 8, МКК Куманово 8, Шкупи 8, Гостивар 7 (-1), Феникс 2010 7, Вардар 6;
