Овој викенд на ред е и четврттиот круг од натпреварите во Првата „Мтел“ лига. А со себе носи неколку, доста интересни, натпревари.
Почетокот е во сабота од 176.30 асот, во СЦ „Јане Сандански“, каде актуелниот шампион, МЗТ Скопје го пречекува новиот член на елитата, МКК Куманово. Во не баш идеален момент доаѓа овој натпревар за „металците“ ако се земе в предвид дека пред некоја вечер, на истото место, пред своите навивачи, доживеаја пораз од Хелиос во рамките на АБА 2 лигата.
Тој, како и мментот кој вели дека овој меч ќе се игра без присуство на публика), би требало да бидат „адутите“ за четата која од клупата ја предводи Марин Докузовски. Екипа која евидентно, има квалитет, но која треба да „се собере“, да „се намести“ и да функционира уште подобро во однос на првите три кола од првенството.
Саботната програма предвидува уште три натпревари, сите се играат во ист термин, 18.часот.
Во СРЦ „Кале“ ќе се сретнат екипите кои се без победа во првите натпреварувачки рунди, и извесно е дека една од нив, Шкупи или Вардар, ќе го запише првиот успех во новата сезона.
Максималниот ефект во претходните три натпревари Пелистер ќе се обиде да го задржи на гостувањето во салата „Младост“ во Гостивар, каде никогаш не е е лесно да се направи тоа, односно, да се победи.
Во Гевгелија ќе играат Кожув и Тиквеш Голден Игл, две екипи кои прикажаа добра кошарка, но се во негативен биланс во вoведниот дел од шампионатот, (скор 1-2).
Во неделните термини, следуваат уште два натпревари.
Особен интерес предизвикува оној во СЕЦ „Кале“ закажан за 18.часот, а во кој екипата на Чаир 2030 ќе го нападне Работнички во обид да дојде и до четврттиот плус од стартот на новата сезона. Ќе им биде полесно на гостите ако се знае дека на овој меч Работнички нема да може да смета на поддршката од своите навивачи (суспензија на теренот).
ТФТ е третата екипа која по три кола има максимален ефект, па оттука во недела навечер (од 18.часот) ќе биде на големо искушение на гостувањето кај Феникс 2010 (скор 1-2), во СЦ „Јане Сандански“.
ПРВА „МТЕЛ“ ЛИГА-МАЖИ
ДВОЈКИ 4. КОЛО
26.ОКТОМВРИ (САБОТА)
17.30: МЗТ Скопје Аеродром – МКК Куманово
Голема сала СЦ „Јане Сандански“ – Скопје
ЛИНК: https://www.youtube.com/live/KUGFa9NGBEA?si=oP0Do59HfipFGnLA
18.00: Шкупи - Вардар
СРЦ „Кале“ – Скопје
ЛИНК: https://www.youtube.com/live/TfJeLSa747E?si=1DGa0Yy_jVWlFHzi
18.00: Гостивар – Пелистер
Сала „Младост“ – Гостивар
ЛИНК: https://www.youtube.com/live/LXMayBQ4x5Q?si=8WqNB_YOonKWso8o
18.00: Кожув - Тиквеш Голден Игл
Сала „26.април“ – Гевгелија
ЛИНК: https://www.youtube.com/live/Y89g4hlAnQ0?si=h0_30yprfhxs_yYo
27.ОКТОМВРИ (НЕДЕЛА)
18.00: Феникс 2010 – ТФТ
Голема сала СЦ „Јане Сандански“ – Скопје
ЛИНК: https://www.youtube.com/live/gFv-Dv9yDlY?si=e_GIn1adig4tUJk-
18.00: Работнички – Чаир 2030
СРЦ „Кале“ – Скопје
ЛИНК: https://www.youtube.com/live/apt_oN3OMcA?si=C0gvGX4fENlMSW14
ТАБЕЛА: Чаир 2030 6, Пелистер 6, ТФТ 6, МЗТ Скопје Аеродром 5, Работнички 5, Гостивар 4, Кожув 4, Тиквеш Голден Игл 4, Феникс 2010 4, МКК Куманово 4, Вардар 3, Шкупи 3;
