Колото број 6 од Првата „Мтел“ лига, со себе носи натпревари во кои може да има мали промени на табелата, посебно на оние горни позиции, вклучително и онаа првата...
Пред се натпреварот кој ќе се игра на 11. ноември (понеделник) во СРЦ „Кале“ од 18.часот, во кој ќе се сретнат екипите кои го делат паркетот, ТФТ и Работнички.
Двете во различни расположенија...
Победничко кое со себе го носи екипата која има „црно-бела“ комбинација на опремата, затоа што нивниот ефект во изминатите пет кола е максимален.
ТФТ е единствената екипа со стонастотен ефект, која пред себе ќе има тим кој игра променливо, односно поразително во АБА 2 лигата, а доста корисно во домашниот шампионат, каде во пет кола „црвено-белите“ се на ефект (4-1). Па со евентуален успех во овој соседски дуел, ќе бидат изедначени со екипата од Тафталиџе.
Шестиот круг ќе биде отворен исто така „надвор“ од стандардните викенд термини, односно во петок навечер, од 17.30 часот, кога во Битола ќе играат екипите на Пелистер (ефект 4-1) и Феникс 2010 (1-4).
Битолчани имаат обврски во АБА 2 лигата (гостување во Сомбор во текот на наредната недела), па својот шестти меч во првенствената сезона ќе го одиграат ден-два порано од предвиденото, за максимален ангажман пред дуелот со екипата на Џокер.
Три натпревари се на распоред во саботната програма.
Од 13.30 часот, во СРЦ „Кале“, кошаркарите на Шкупи (1-4) ќе се обидат да дојдат до втората првенствена победа во мечот со екипата на Тиквеш Голден Игл (2-3).
Од 18.часот, ќе се играат средбите Чаир 2030 (ефект 4-1) - Вардар (0-5), односно Кожув (2-3)-МКК Куманово (2-3).
Ден подоцна, на 10.ноември (недела), МЗТ Скопје во Аеродром (скор 3-2) ќе бара рехабилитација за поразите во регионалното натпреварување во мечот каде за противник ја има екипата на Гостивар (2-3).
ПРВА „МТЕЛ“ ЛИГА-МАЖИ
ДВОЈКИ 6.КОЛО
8. НОЕМВРИ (ПЕТОК)
17.30: Пелистер - Феникс 2010
Сала „Боро Чурлевски“ – Битола
ЛИНК: https://www.youtube.com/live/NRR-8NFEBms?si=ZNMYZQ_-VSE3jth_
9. НОЕМВРИ (САБОТА)
13.30: Шкупи – Тиквеш Голден Игл
Сала СРЦ „Кале “ – Скопје
ЛИНК: https://www.youtube.com/live/RDCsAE5X1-8?si=bPHf-dya_KhTjXlj
19.00: Чаир 2030 – Вардар
Сала „Шабан Трстена“ – Скопје
ЛИНК: https://www.youtube.com/live/DXq714zXTOs?si=PfcElxthSeVWNoi4
19.00: Кожув – МКК Куманово
Сала „26.април“ – Гевгелија
ЛИНК: https://www.youtube.com/live/BB2KB2ekbwU?si=TBG1NoNtcno8fKwo
10. НОЕМВРИ (НЕДЕЛА)
18.00: МЗТ Скопје Аеродром – Гостивар
Голема сала СЦ „Јане Сандански“ – Скопје
ЛИНК: https://www.youtube.com/live/GeSSuP8e5RA?si=lPoNze1v_zhYHnDe
11. НОЕМВРИ (ПОНЕДЕЛНИК)
18.00: Работнички – ТФТ (МРТ3)
Сала СРЦ „Кале “ – Скопје
ЛИНК: https://www.youtube.com/live/NiCr9c0dEbo?si=LLu5eDyolBi6Xbjk
