Во првиот меч од саботната програма од 5. коло, екипата на ТФТ беше подобра од „соседот“ Шкупи, кој тренира и игра во СРЦ „Кале“. Доволно за да го задржи максималниот ефект и по пет одиграни натпревари од почетокот на новото првенство.
ТФТ – ШКУПИ 82:73
Израмнето се играше скоро 18.минути во кои и резултатот беше егал (30:30). За во тие преостанати, нешто повеќе од две минути, ТФТ направи серија од (10-4), доволно за да го преземе водството, сосема солидно, според прикажаната игра, од страна на двете екипи (40:34).
Дури осуммина кошаркари во домашната екипа се најдоа во записноикот кој брои поени, од другата страна, Трибл беше единствениот „двоцифрен“, постигна 11. поени за Шкупи во првото полувреме.
Во она второто, третиот дел беше и најефикасниот за домашниот тим, реализираа 30. поени, а примија двојно помалку-15. избраниците на тренерот Боро Смилковски, доволно за да се „одлепат“ на двоцифрена позитива (70:49), недостижна за Шкупи.
Со 13 поени, Сапунџиев беше и најефикасен играч на ТФТ, Зафиров даде 11, а денот на домашните играчи го закружи Никоов со десет реализации.
Во гостинската екипа, комплетната прва петорка даде десет или повеќе поени. Најмногу, 21 стигнаа од Арчи, Вилијамс го следеше со 16, додека тројца кошаркари, Аранитовиќ, Трибл и Стојановски постигнаа по 12.поени.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 5. КОЛО
ТФТ – Шкупи 82:73
Чаир 2030 – МЗТ Скопје Аеродром 95:94
2. НОЕМВРИ (САБОТА)
Вардар – Работнички (во тек)
18.00: МКК Куманово – Гостивар
Сала „Перо Наков“ – Куманово
ЛИНК: https://www.youtube.com/live/2Nhl9vur54E?si=bGva-yAxSVrPM7Xj
18.30: Пелистер – Кожув
Сала „Боро Чурлевски“ – Битола
ЛИНК: https://www.youtube.com/live/lD6ls_x61bM?si=h29xOdTT2NIKJIL8
3. НОЕМВРИ (НЕДЕЛА)
18.00: Тиквеш Голден Игл – Феникс 2010
Сала „Јасмин“ – Кавадарци
ЛИНК: https://www.youtube.com/live/sKV8ezRQl3U?si=akuTn2JOe-q8vRD5
ТАБЕЛА: ТФТ 10, Чаир 2030 9, МЗТ Скопје Аеродром 8, Работнички 7, Пелистер 7, Кожув 6, Гостивар 6, Шкупи 6, МКК Куманово 5, Тиквеш Голден Игл 5, Феникс 2010 5, Вардар 4;
