Кошаркарите на Кожув ја оправдаа улогата на фаворит во мечот со Феникс 2010, и со доминантен настап во текот на сите 40.минути, дојдоа до петтиот успех во сезоната во која досега одиграа вкупно девет натпревари во Првата „Мтел“ лига.
КОЖУВ – ФЕНИКС 2010 86:73
Мошне силен, поточно ефикасен почеток имаа кошаркарите на Кожув. Уште во воведните десет минути, гевгеличани најавија дека не сакаат никакво изненадување во дуелот против екипата на Феникс 2010.
На истекот од десетте минути, веќе имаа плус од 12.поени (27:15).
Во оние вторите, во неколку наврати, домашната екипа имаше предност и од 18.поени (44:26) во 16.минута. Но до крајот на полувремето Феникс 2010 успеа да симне дел од таа висока негатива, да дојде до (36:50).
Но тоа беше само момент на слабост на кошаркарите на Кожув.
Дека се доста поквалитетен ривал од гостинскиот, домаќините прикажааа во третата четвртина. Онаа во која скоро ја повторија играта од првата, и во која дојдоа до огромни 23.поени разлика во своја корист (72:49).
ФОТО: Филип Данински (КК Кожув-Гевгелија)
Пилепиќ и Стевановиќ покажаа дека со водечкиот двоец во играта на Кожув. Во тие три дела од мечот, искомбинираа 40.поени, но доста добра помош им дојде од младиот Колев, кој имаше 12. реализации (до крајот и 8.скока и 6.асистенции на влезот во последниот.
Но овојпат свој придонес во новиот успех за Кожув, петти во девет одиграни натпревари, дадоа и играчите од клупата за резервни (искомбинираа дури 25.поени), што не беше случај на некои претходни натпревари, и што може да го радува тренерот Апостолов во периодот кој следува.
Кај Феникс 2010, Митревски и Марфи имаа по 13.реализации, Шепард дополни со уште 12, а Димитриев со 11.поени.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 9. КОЛО
Кожув – Феникс 2010 86:73
ТФТ – МЗТ Скопје Аеродром 75:70
Гостивар – Шкупи 79:65
МКК Куманово – Работнички (во тек)
8.ДЕКЕМВРИ (НЕДЕЛА)
18.00: Тиквеш Голден Игл – Вардар
Сала „Јасмин“ – Кавадарци
ЛИНК: https://www.youtube.com/live/JBnkKvFGkss?si=gcSotLEgqjSSsZo3
18.30: Пелистер – Чаир 2030
Сала „Боро Чурлевски“ – Битола
ЛИНК: https://www.youtube.com/live/Tbp248vuqic?si=jefuZFs3vGzAlpBN
ТАБЕЛА: ТФТ 17, Чаир 2030 15 (-1), МЗТ Скопје Аеродром 15, Работнички 13, Кожув 14, Пелистер 13 (-1), МКК Куманово 12, Гостивар 12, Шкупи 12, Феникс 2010 11, Тиквеш Голден Игл 10 (-1), Вардар 8 (-1);
