Кошаркарите на Работнички стигнаа од уште еден триумф во домаппнито шампионат. Можеби не им оди добро во АБА 2 лигата, но постоечкиот квалитет на „црвено-белите“ е доволен да се турка добро на домашниот колосек.
Така беше и во дуелот со Вардар, а во кој Работнички се помачи, но победи, по четвртти пат од почетокот на новата сезона.
ВАРДАР – РАБОТНИЧКИ 71:79
Сосема солиден, добар почеток имаше домапната екипа против, сепак, фаворитот на овој натпревар. Вардар „ја доби“ првата четвртина со (20:17), водеше и во добар дел од втората. На примеро до моментот кога Ѓуроски не донесе изедначување (26:26), кога се играше 14.минута.
Вардар водеше одново со (31:28), но до крајот на тоа прво полувреме, гостите направија уште една промена на водството. Прво поведоа со (42:37), за на одмор да заминат со нешто помал плус од три поени (42:39).
Дел од играта во кој Ѓуроски дојде до 14. Реализации кај Работнишки, додека одлични минути во Вардар имаше младиот репрезентативец Марјановиќ, кој даде десет.
Без особени промени и во играта и во резултатот, се играше и во продолжението на натпреварот. Најголемата разлика која ја имаше една од двете екипи, беше пет поени, како случајот од 28.минута, кога по поентирањето на Робев, Работнички водеше со (56:52), а нешто потоа Јовичиќ постави (60:55) во корист на гостинската екипа.
Така се играше и во последните десет минути во кои екипата фаворит успеа да се одбрани од нападите на „вардарци“, и да стигне до четврттата победа во пет одиграни мечеви.
Ѓуроски застана на ефект од 20.поени (пет скока и две асистенции), Полутак пак имаше 17.поени и седум скока, додека новакот Дубински го заврши натпреварот со 16.поени, седум успешни додавања и два скока.
Марјановиќ беше прв поентер кај Вардар, уфрли 16.поени (имаше и по пет скока и асистенции), Наков дојде до 14 (плус четири скока и исто толку асистенции), исто толку поени имаше и Бајрам, а Стивенс дополни со уште 10.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 5. КОЛО
Вардар – Работнички 71:79
ТФТ – Шкупи 82:73
Чаир 2030 – МЗТ Скопје Аеродром 95:94
2. НОЕМВРИ (САБОТА)
18.00: МКК Куманово – Гостивар
Сала „Перо Наков“ – Куманово
ЛИНК: https://www.youtube.com/live/2Nhl9vur54E?si=bGva-yAxSVrPM7Xj
18.30: Пелистер – Кожув
Сала „Боро Чурлевски“ – Битола
ЛИНК: https://www.youtube.com/live/lD6ls_x61bM?si=h29xOdTT2NIKJIL8
3. НОЕМВРИ (НЕДЕЛА)
18.00: Тиквеш Голден Игл – Феникс 2010
Сала „Јасмин“ – Кавадарци
ЛИНК: https://www.youtube.com/live/sKV8ezRQl3U?si=akuTn2JOe-q8vRD5
ТАБЕЛА: ТФТ 10, Чаир 2030 9, Работнички 9, МЗТ Скопје Аеродром 8, Пелистер 7, Кожув 6, Гостивар 6, Шкупи 6, МКК Куманово 5, Тиквеш Голден Игл 5, Феникс 2010 5, Вардар 5;
