Дуелот кој ќе се игра во петок навечер од 18.часот во салата „Шабан Трстена“ (пренос на МРТ3) а во кој ќе се сретнат екипите на Чаир 2030 и МЗТ Скопје Аеродром ќе го одбележи петтото првенствено коло од Првата „Мтел“ лига.
Сериозен предизвик ќе биде ова гостување за бранителот на шампионската титула, уште поголем, ако се земе в предвид дека „сино-белите“ зад себе имаат неуспешни игри во лигата на Јадранот, а веќе имаат еден минус и во домашниот шампионат во четири одиграни кола.
Од друга страна чаирчани имаа успешен почеток на сезоната, серија од три победи, која беше прекината на гостински терен, со пораз од Работнички. Доволно за идентичен ефект на двете екипи со кој влегуваат во овој дерби дуел.
Во одлично расположение својот петти меч во новиот шампионат го дочекуваат кошаркарите на ТФТ. Закажан е во сабота, во еден релативно ран термин, (од 12.30 часот) во салата во СРЦ „Кале“ во кој за противник имаат екипа која својата форма ја темпира на истото место – Шкупи.
Час и половина подоцна (14.часот), на многу блиска локација, во малата сала на СРЦ „Кале“, онаа на Вардар, екипа која ќе биде во улога на домаќин на уште една која „гравитира“ на просторот под скопската тврдина, Работнички.
Од 18.часот, МКК Куманово ќе го дочека Гостивар, во обид да стигне до втората победа во првенството, а половина часот подоцна, Пелистер ќе (по) бара рехабилитација за неуспешниот настап во АБА 2 конкуренцијата (пораз од Џокер на домашен паркет) против гевгелиски Кожув.
Еден натпревар ќе се одигра на 3. номеври (недела), и тоа во Кавадарци. Во салата „Јасмин“, Тиквеш Голден Игл е во улога на домаќин на мечот во кој за противник ја имаат екипата на Феникс 2010, која доаѓа во „градот на виното“ со идентичен ефект во првите четири кола (три порази и една победа).
ПРВА „МТЕЛ“ ЛИГА-МАЖИ
ДВОЈКИ 5. КОЛО
1. НОЕМВРИ (ПЕТОК)
18.00: Чаир 2030 – МЗТ Скопје Аеродром (МРТ3)
Сала „Шабан Трстена“ – Скопје
ЛИНК: https://www.youtube.com/live/9ZOJzP3lfY8?si=PzGPbmE3Ldsd0GK9
2. НОЕМВРИ (САБОТА)
12.30: ТФТ – Шкупи
Сала на СРЦ „Кале“ – Скопје
ЛИНК: https://www.youtube.com/live/TedAABh3yQ0?si=Io24UCz1kjqTAs3D
14.00: Вардар – Работнички
Сала на КК „Вардар“ – Скопје
ЛИНК: https://www.youtube.com/live/aaSypGh9MW4?si=kswdqANim7ALbj4Q
18.00: МКК Куманово – Гостивар
Сала „Перо Наков“ – Куманово
ЛИНК: https://www.youtube.com/live/2Nhl9vur54E?si=bGva-yAxSVrPM7Xj
18.30: Пелистер – Кожув
Сала „Боро Чурлевски“ – Битола
ЛИНК: https://www.youtube.com/live/lD6ls_x61bM?si=h29xOdTT2NIKJIL8
3. НОЕМВРИ (НЕДЕЛА)
18.00: Тиквеш Голден Игл – Феникс 2010
Сала „Јасмин“ – Кавадарци
ЛИНК: https://www.youtube.com/live/sKV8ezRQl3U?si=akuTn2JOe-q8vRD5
ТАБЕЛА: ТФТ 7, МЗТ Скопје Аеродром 7, Чаир 2030 7, Работнички 7, Пелистер 7, Кожув 6, Гостивар 6, МКК Куманово 5, Тиквеш Голден Игл 5, Феникс 2010 5, Шкупи 5, Вардар 4;
