Кошаркарите на ТФТ стигнаа и до третиот, по ред триумф во новата сезона, откако во драматична завршница, буквално се одбранија во последниот напад на гостинската екипа
ТФТ – КОЖУВ 79:77
Доста изедначен натпревар, со некое постојано водство на домашната екипа одиграа ТФТ и Кожув во СРЦ „Кале“.
„Црно-белите“ водеа во најголем дел од натпреварот, но не и со некоја висока предност, која гостите од Гевгелија не можеа и да ја достигнат.
Така се играше до самиот крај на мечот, во кој ТФТ влезе со наизглед недостижни девет поени „вишок“ (78:69) кои ги имаа на 1:12 минута до крајот.
Но одличниот Пилепиќ потпомогнат од Хауард, таа последна минута од играта ја претворија во драматична. Кожув намали на (75:78), а по половичниот ефект од линијата за слободни фрлања на Гафни таа разлика „порасна“ на (79:75). Во оние преостанати 23. секунди, Бојчев успеа да погоди за (77:79) и да обезбеди дополнително слободно фрлање. Не го реализираше, топката дојде до Вилсон кој упати удар кон противничкиот кош. Но доби „блокада“ од Николов, кој на тој начин го потврди третиот триумф на ТФТ во серија.
А четири играчи од стартните пет на екипата од Тафталиџе завршија со двоен број на поени. Ги предводеше Говенс со 21.поени, одлично издание со дабл-дабл ефект имаше Зафиров (16.поени и 12.скока), Мекиќ дојде до 14.реализации, а творецот на новиот успех, Николов заврши со 11. поени и пет скока.
Во екипата од Гевгелија, Пилепиќ запре на 35.поени (плус 4. скока и 2.асистенции), Стевановиќ имаше 16 (заедно со 7.скока и 2.асистенции), а Вилсон уште 10.поени, но и 11.скока.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 3. КОЛО
ТФТ – Кожув 79:77
19. ОКТОМВРИ
16.00: Вардар – Феникс 2010
Сала на КК „Вардар“ - Скопје
18.00: Тиквеш Голден Игл – Гостивар
Сала „Јасмин“ - Кавадарци
18.00: Работнички – МЗТ Скопје Аеродром (МРТ3)
Сала на СРЦ „Кале“ - Скопје
19.00: Чаир 2030 – Шкупи
Сала „Шабан Трстена“ - Скопје
20. ОКТОМВРИ (НЕДЕЛА)
19.00: Пелистер – МКК Куманово
Сала „Боро Чурлевски“ - Битола
