Тоа е деветта победа за тимот од Тафталиџе оваа сезона што е убедливо најдобар старт за тимот откако се натпреварува во елитната дивизија.
ТФТ – ТИКВЕШ ГОЛДЕН ИГЛ 90:86
Во најголемиот дел од мечот ТФТ го диктираше темпото и заслужено стигна до триумфот и покрај тоа што Тиквеш во финишот се закани дека може да направи пресврт.
Клучна беше серијата од (11-0) кон средината на втората четвртина по која поведе со (34:25) за на почетокот од третиот период ТФТ да ја достигне највисоката предност (53:41).
Тиквеш нешто подоцна се доближи на само три поени негатива, во последниот квартал ТФТ повторно отиде на +12 (83-71), а драмата сепак се задржа до крајот бидејќи на 30 секунди пред крајот гостинскиот тим дојде на 85-87.
Хотон со едно промашено слободно фрлање му надеж на противникот, но на идентичен начин врати Хил и со тоа ги уништи сите надежи на Тиквеш дека може да направи изненадување.
Гафни со 18. поени беше прв стрелец на ТФТ, а Зафиров оствари дабл дабл со 16 поени и 10 скока.
Глигоријевиќ го предводеше тимот на Тиквеш со 22 поена.
МЗТ СКОПЈЕ АЕРОДРОМ – ФЕНИКС 2010 92:63
Актуелниот шампион, екипата на МЗТ Скопје Аеродром лесно стигна до нова, седма победа во домашното првенство. Во дуелот од 10-тото коло, МЗТ убедливо го победи Феникс 2010.
Иако тринаесетина минути гостинската екипа беше рамноправна, сепак МЗТ во продолжението ја демонстрира својата надмоќ. Во ниту еден момент „сино-белите“ не дозволија противникот да поведе.
На полувремето, аеродромци заминаа со двоцифрена предност (38:28). Ги добија сите четири периоди домашните кошаркари кои на крајот славеа со 29 поени предност.
Четворица кошаркари кај МЗТ натпреварот го завршија со двоцифрен број на поени, а најмногу постигна Бојан Крстевски, вкупно 17.
ПРВА „МТЕЛ“ ЛИГА-МАЖИ
РЕЗУЛАТИ И ДВОЈКИ 10. КОЛО
Шкупи – Кожув 68:81
Вардар – Пелистер 59:90
ТФТ – Тиквеш Голден Игл 90:86
МЗТ Скопје Аеродром – Феникс 2010 92:63
Работнички – Гостивар (во тек)
15.ДЕКЕМВРИ (НЕДЕЛА)
19.00: Чаир 2030 – МКК Куманово
Сала „Шабан Трстена“ – Скопје
ЛИНК: https://www.youtube.com/live/kiRMqsN9AnE?si=jH_G3CRNMOKHx8u5
ТАБЕЛА: ТФТ 19, Пелистер 17, МЗТ Скопје Аеродром 17, Чаир 2030 16 (-1), Работнички 15 (-1), Кожув 16, МКК Куманово 14 (-1), Гостивар 12 (-1), Тиквеш Голден Игл 13, Шкупи 13, Феникс 2010 12, Вардар 10;
