ПРВА „МТЕЛ“ ЛИГА-МАЖИ: Вардар по прва победа, МЗТ Скопје за „подобра слика“ пред паузата

13.11.2024

Седмото коло ќе биде отворено во четврток попладне (15.часот), со дуелот „Под Кале“ помеѓу Вардар и МЗТ Скопје Аеродром

Колото број 7 од Првата „Мтел“ лига ќе има еден „нестандарден“ почеток, кој го „предизвикува“ барањето на екипите на Вардар и МЗТ Скопје Аеродром, својот меч да го одиграат некој ден порано.

Поточно во четврток, и тоа во еден пладневен термин, од 15.часот, во салата на „вардарци“, кои сеуште се во потрага по прв првенствен успех во сезоната.

Од друга страна за шампионот добра можност со релативно послаб противик да продолжат со победувањето, макар што тоа во последно време им оди нешто потешко од очекувањата, нивни, пред се.

По два дена „пауза“, во сабота ќе се играат два натпревари, закажани се за од 18.часот.

Во кавадаречки „Јасмин“, екипата на Тиквеш Голден Игл (2-4) ќе го пречека Работнички (скор 4-2), додека во салата „Леро Наков“ во Куманово, домашниот МКК Куманово (2-4) е домаќин на Феникс 2010 (1-5).

Во оние неделните, следуваат утре три натпревари...

Од 17.часот, во салата „Младост“, Гостивар (ефект 2-4) го дочекува гевгелиски Кожув (3-3), во обид добрата игра на последното гостување во Аеродром (стигнаа од продолжение од пет минути против МЗТ Скопје) ја валоризира со трет успех.

Од 18.часот, следува и дерби дуелот на ова седмо коло, оној во СРЦ „Кале“, во кој лидерот на табелата, екипата на ТФТ (максимални 6-0) за противник го има Чаир 2030 (5-1), додека половина час подоцна, во Битола, ќе играат Пелистер (5-1) и Шкупи (скор 2-4).

ПРВА „МТЕЛ“ ЛИГА-МАЖИ

ДВОЈКИ 7. КОЛО

14.НОЕМВРИ (ЧЕТВРТОК)

15.00: Вардар – МЗТ Скопје Аеродром

Сала на КК „Вардар“ - Скопје

ЛИНК: https://www.youtube.com/live/BMLm9iw9Swo?si=jgorNDatY75cD3V6

16.НОЕМВРИ (САБОТА)

18.00: Тиквеш Голден Игл – Работнички

Сала „Јасмин“ Каадарци

ЛИНК: https://www.youtube.com/live/fpQnnFm7tfk?si=9YtytnaY5Xsba4_y

18.00: МКК Куманово – Феникс 2010

Сала „Перо Наков“ – Куманово