Второто коло од Првата „МТЕЛ“ лига и дефинитивно ќе биде во знакот на првиот дерби-дуел во новата сезона. Оној во Битола, каде вечерва од 18.часот, ќе се сретнат ланските финалисти и на плеј-офот и на Купот на Македонија.
Пелистер уште еднаш ќе го предивика МЗТ Скопје Аеродром во обид да стави крај на серијата на неуспешни игри, а последната беше во оној меч од Суперкупот „Драган василов-Цевка“.
Токму во тие 40.минути бранителот на титулата покажа дека е полн со искуство на играње на такви натпревари во кои влогот е трофеј. Но „против“ популарните „металци“ вечерва (18.30 часот, пренос на МРТ3), освен публиката во салата „Боро Чурлевски“ ќе биде и заморот, предизвикан од гостувањето во Загреб, и оние 40 плус 5 минути игра против Цедевита Јуниор.
Инаку, и двете екипи имаа успешен старт „дома“, МЗТ Скопје лесно го помина Шкупи, додека „пелистерци“ славеа на гостински терен во Кавадарци, против екипата на Тиквеш Голден Игл.
Саботната програма на вториот круг носи уште три натпревари.
Ќе биде отворена од 18.часот, во салата „Младост“ во Гостивар, каде гостува екипата на ТФТ. Во исто време, но во Куманово, домашниот МКК Куманово ќе се обиде да дојде до првата победа како нов прволигаш, а на другата страна од теренот за противник ќе ја има екипата на Тиквеш Голден Игл. А од 19.30 часот, во СРЦ „Кале“, вториот нов прволигаш, Шкупи ќе проба да го изненади Работнички.
Во недела ќе се одиграат уште два натпревари од второто коло. Од 17.часот, Феникс 2010 е домаќин на Чаир 2030, додека пак во исто време, во Гевгелија, Кожув ќе го дочека тимот на Вардар.
ПРВА „МТЕЛ“ ЛИГА-МАЖИ
ДВОЈКИ 2.КОЛО
12.ОКТОМВРИ (САБОТА)
18.00: Гостивар – ТФТ
Сала „Младост“ – Битола
ЛИНК: https://www.youtube.com/live/oNv53Azokgk?si=UnSXZCDUbgJPe5ut
18.00: МКК Куманово – Тиквеш Голден Игл
Сала „Перо Наков“ – Куманово
ЛИНК: https://www.youtube.com/live/Zz6psBfEIA0?si=SR3T6QbNQAgeMA-w
18.30: Пелистер – МЗТ Скопје Аеродром (МРТ3)
Сала „Боро Чурлевски“ – Битола
ЛИНК: https://www.youtube.com/live/GitZ3k2-H34?si=Y5fSr1XDyTrNQ0Hn
19.30: Шкупи – Работнички
Сала на СРЦ „Кале“ – Скопје
ЛИНК: https://www.youtube.com/live/IElvPGLEfwY?si=bkHEH5b_j3whqNTY
13.ОКТОМВРИ (НЕДЕЛА)
17.00: Феникс 2010 – Чаир 2030
СЦ „Јане Сандански“ – Скопје
ЛИНК: https://www.youtube.com/live/DdDTF8uhqbw?si=8zo63tnRuzRjkVkj
17.00: Кожув – Вардар
Сала „26.април“ – Гевгелија
ЛИНК: https://www.youtube.com/live/CL9d4ohQZo4?si=pt63ZptI6oJxKKt5
