Победа број 2 за екипата на Шкупи во Првата „Мтел“ лига од почетокот на новата натпреварувачка сезона. Во израмнет натпревар, во кој го имаа водството во најголем дел, стигнаа до важен триумф кој ги „трга“ од оние последни позиции на табелата.
ШКУПИ – ТИКВЕШ ГОЛДЕН ИГЛ 85:82
Домашната екипа беше првата која обезбеди солидно водство, како на пример она во 17.минута кога поведе со (36:30), потоа и (38:32). Но до крајот на тоа прво полувреме, кавадарчани успеаја да останат „во игра“.
Односно да намалат на (40:41).
Како решавачка се покажа третата четвтина од натпреварот во СРЦ „Кале“, онаа во која домашната екипа се стекна со клучната предност.
Иако по поените на Глигоријевиќ во 26.минута Тиквеш дури и премина во водство, макар и минимално (49:48), во преостанатите неколку минути од тој период, Шкупи направи своја серија, по која изгради и убава предност (64:56), со која влезе во последите десет минути од играта.
Дел во кој гостите се вратија уште еднаш, по поените на младиот Златев, на нецели две минути пред крајот, повторно поведоа, исто така со само еден поен (79:78).
Но „финалето“ беше резервирано за домапните кошаркари. Знаеја подобро да одиграат во моментите на одлука и да прослават втор успех во шест одиграни кола од шампионатот.
Веројатно и најважниот досега, ако се земе в предвид дека дури петтмина кошаркари кои сега од клупата ги предводи Никола Божиновски завршија со десет или повеќе поени.
Од првата петорка „надвор’ од тој двоцифрен круг остана само Трибл, макар што запиша седум асистенции.
Со 21 поен, Вилијамс беше прв стрелец, но одлична беше поддршката која дојде од Стојановски, стрелец на 18.поени, Златевски кој дополни со 14, како и ефектот на Арчи (13.поени и 9.скока) и оној на Аранитовиќ изразен со 11. поени и 5. скока.
Во гостинската екипа, Грин беше на своето кошгетерско ниво. Даде 26.поени, имаше и седум успешни додавања, 13. поени постигна Глигоријевиќ (плус и 11.скока), Квери додаде 11, а Младеновиќ уште 10.поени.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 6.КОЛО
Шкупи – Тиквеш Голден Игл 85:82
Пелистер - Феникс 2010 110:93
9. НОЕМВРИ (САБОТА)
19.00: Чаир 2030 – Вардар
Сала „Шабан Трстена“ – Скопје
ЛИНК: https://www.youtube.com/live/DXq714zXTOs?si=PfcElxthSeVWNoi4
19.00: Кожув – МКК Куманово
Сала „26.април“ – Гевгелија
ЛИНК: https://www.youtube.com/live/BB2KB2ekbwU?si=TBG1NoNtcno8fKwo
10. НОЕМВРИ (НЕДЕЛА)
18.00: МЗТ Скопје Аеродром – Гостивар
Голема сала СЦ „Јане Сандански“ – Скопје
ЛИНК: https://www.youtube.com/live/GeSSuP8e5RA?si=lPoNze1v_zhYHnDe
11. НОЕМВРИ (ПОНЕДЕЛНИК)
18.00: Работнички – ТФТ (МРТ3)
Сала СРЦ „Кале “ – Скопје
ЛИНК: https://www.youtube.com/live/NiCr9c0dEbo?si=LLu5eDyolBi6Xbjk
