Во првиот натпревар од шестото коло на Првата „Мтел“ лига, Пелистер одигра две доста ефикасни четвртини, онаа втората и последната, во која комбинирано постигнаа 65 поени, како реален одраз на настаните во празниот „Боро Чурлевски“ во Битола...
ПЕЛИСТЕР - ФЕНИКС 2010 110:93
Двете екипи си поделија по две четвртини на вечерашниот дуел, но далеку подобри, поефикасни беа оние на домашната екипа.
По релативно изедначениот почеток, односно десет минути игра во кои Феникс 2010 дуи и водеше со (26:24), поентерска „експлозија“ на битолчани во втората.
Реализираа дури 35.поени, примија многу помалку, само 20. што имаше и сериозно „влијание“ над резултатот.
На полувремето, Пелистер се стекна со двоцифрена предност (59:46).
Слично беше и во второто полувреме, во кое во оној трет дел од играта, Феникс 2010 беше за нијанса подобра екипа, гледано резултатски. Ја добија гостите од Скопје со (27:21), намалија на (73:80), но ништо повеќе од тоа.
И последниот дел беше „резервиран“ за „зелено-белите“, кои одиграа налик на вториот и ги тргнаа сите дилеми околу конечниот победник.
Своја шутерска вечер имаше Мишковиќ, кој заврши со дабл-дабл учинок од 30.поени, но имаше и одлични 13.скока.
Антоан дојде до 18.поени, Стојановски, на својот поранешен клуб му испорача 15, Едвардс имаше 13, а Стајиќ уште 10. поени во петтиот триумф во оваа прва фаза од сезоната.
Кај Феникс 2010 за кои ова е петти пораз во шест одиграни мечеви, доста добар ефект имаа четири стартери, кои беа со двоен број на поени. Митревски заврши со 18.поени (и шест асистенции), Баун даде 16, Тимоти 15, а Марфи уште 14.поени.
Пет постигна и Сергеј Петровиќ, синот на тренерот на спротивната страна од теренот, Александар Петровиќ, што е навистина ретко виден момент во македонската клупска кошарка.
ПРВА „МТЕЛ“ ЛИГА-МАЖИ
РЕЗУЛТАТИ И ДВОЈКИ 6.КОЛО
Пелистер - Феникс 2010 110:93
9. НОЕМВРИ (САБОТА)
13.30: Шкупи – Тиквеш Голден Игл
Сала СРЦ „Кале “ – Скопје
ЛИНК: https://www.youtube.com/live/RDCsAE5X1-8?si=bPHf-dya_KhTjXlj
19.00: Чаир 2030 – Вардар
Сала „Шабан Трстена“ – Скопје
ЛИНК: https://www.youtube.com/live/DXq714zXTOs?si=PfcElxthSeVWNoi4
19.00: Кожув – МКК Куманово
Сала „26.април“ – Гевгелија
ЛИНК: https://www.youtube.com/live/BB2KB2ekbwU?si=TBG1NoNtcno8fKwo
10. НОЕМВРИ (НЕДЕЛА)
18.00: МЗТ Скопје Аеродром – Гостивар
Голема сала СЦ „Јане Сандански“ – Скопје
ЛИНК: https://www.youtube.com/live/GeSSuP8e5RA?si=lPoNze1v_zhYHnDe
11. НОЕМВРИ (ПОНЕДЕЛНИК)
18.00: Работнички – ТФТ (МРТ3)
Сала СРЦ „Кале “ – Скопје
ЛИНК: https://www.youtube.com/live/NiCr9c0dEbo?si=LLu5eDyolBi6Xbjk
