Работна средба помеѓу Асоцијацијата на кошаркарски играчи и Комисијата на спортисти при МОК - КФСМ
24.01.2019

Работна средба помеѓу Асоцијацијата на кошаркарски играчи и Комисијата на спортисти при МОК

Денеска, во просториите на Македонската кошаркарска федерација, Комисијата на спортисти на Македонскиот Олимписки Комитет оствари средба со Асоцијацијата на кошаркарски играчи.

Генералниот Секретар на МКФ, Моника Гаврилоска како претставник на МКФ и член на Комисијата за спортисти при МОК, заедно со Претседателот на асоцијацијата на играчи, Миливоје Трифуновски, разговараа со дел од Комисијата – Стојан Поповски (Претседател), Нина Балабан (стрелаштво) и со Мартин Несторовски (карате) за понатамошните активности и соработка помеѓу двете страни – Комисијата и претставниците на кошаркарскиот спорт. Двете заинтересирани страни ќе работат во насока на заштита на правата и на интересите на спортистите како соодветно советодавно тело кое ќе асистира и во комуникацијата помеѓу спортистите со соодветните национални спортски федерации.

Оваа средба е прва од ваков тип која претставува своевиден вовед во активностите предвидени за непосредна иднина со кои ќе се приближи односот помеѓу спортистите и спортските федерации.