Раководството на КФСМ одржа работен состанок со претставници на Здружението на Прва лига-мажи - КФСМ
07.08.2020

На состанокот одржан во хотелот „Парк“ во Скопје, отсутен беше само претставникот на МЗТ Скопје Аеродром АД

Раководството на КФСМ одржа работен состанок со претставници на Здружението на Прва лига-мажи

На иницијатива на раководниот тим на Кошаркарската федерација на С. Македонија, денеска, во хотелот „Парк“ во Скопје беше одржан работен состанок со претставниците на клубовите кои во следната сезона 2020/2021 ќе се натпреваруваат во Првата машка лига.

Се дискутираше за неколку точки кои беа поставени на дневниот ред на состанокот.

1.        Почеток на државното првенство 2020/21,

2.        Протоколи за одржување на тренинзи и натпревари,

3.        Начин на завршување на лигата доколку има непредвидени состојби,

4.        Изјави за одговорност од клубови и играчи,

5.        Финансиски долгувања на клубовите од мината сезона,

6.        Избор на претседател на Здружение Прва лига-мажи,

7.        Барање од асоцијација на играчи,

8.        Разно.

Општ е впечатокот дека следната натпреварувачка сезона 2020/2021 во Првата лига-мажи треба да започне да се одвива во нови услови и проблеми со кои се соочува целата држава.

По доста обемната дискусија во која не беше вклучен само претставникот на МЗТ Скопје Аеродром АД, беа донесени неколку заклучоци кои треба да се реализираат во наредниот период.

-Федерацијата до клубовите да го достави календарот и системот за натпреварување за сезона 2020/21 најдоцна пет недели пред планираниот почеток на сезоната.

-КФСМ ќе достави дополнителен протокол до клубовите за сите прашања кои не се опфатени со сегашниот.

-Заостанатите долгови и првата рата од котизацијата за сезона 2020/2021 да бидат платени една недела пред почеток на првенството.

-Канцеларијата на сениорски лиги да достави допис до клубовите со предлог за разрешување на Видоја Секулоски од досегашен претседател и предлог за нов претседател, Јован Христовски. Клубовите писмено да се изјаснат со дадениот предлог.

-Претседателот на асоцијацијата на играчи да ги изнесе ставовите на клубовите пред Собранието на играчите. Исто така да испрати допис до сите клубови за заклучокот кој ќе биде донесен на состанокот со играчите.

-Да се изготви предлог за исплата на плати за следната сезона доколку лигата повторно биде откажана или одиграна со вонредни мерки.