18.06.2019 Репрезентацијата до 14 години идната седмица ќе одржи неколку селективни тренинзи кои на стручниот штаб ќе им овозможи формирање на ростерот кој ќе настапи на „Slovenia Ball“ - неофицијалното првенство за кошаркари на оваа возраст. На 25. јуни (вторник) во спортската сала „Ново Лисиче“ (дупка) со почеток во 12:00 часот ќе се одржи првиот селективен тренинг. Се замолуваат сите кошаркарски клубови да испратат не повеќе од двајца кошаркари родени 2005 или 2006 година, за кои сметаат дека заслужуваат да бидат дел од националната селекција. Селектираните кошаркари ќе бидат информирани за понатамошните активности на репрезентацијата.
