Кошаркарската Федерација на Северна Македонија ќе започне со селективни тренинзи на кошаркари родени 2006 година. Согласно со тоа е и отворениот повик до сите клубови кои се дел од натпреварите во организација на КФСМ да достават листа на најперспективни млади кошаркари, селектирани од тренерите кои работат со наведената генерација.
Во листата да бидат наведени: име и презиме на кошаркарот, дата на раѓање, и контакт телефонски број на родителот
Податоците да бидат доставени електронски, најдоцна до 20.август (четврток) до канцеларијата на КФСМ.
Селективните тренинзи ќе се одржат во периодот од 24. до 27 август. Сите предвидени активности ќе се реализираат во СРЦ „Кале“ (голема сала) во Скопје, согласно со утврдените временски термини за присуство на формираните групи на играчи за селективен тренинг испратени преку електронска пошта до сите клубови кои пријавиле свои кошаркари.
