Женската сениорска репрезентација имаше две добри игри кои за жал не беа валоризирани со макар една пообеда во квалификациите за пласман на Евробаскетот во 2023 година.
Но и покрај тоа, девојките заслужија далеку повисок рејтинг во однос на последното рангирање на Светската кошаркарска федерација.
Според најновата табела на ФИБА, со вкупно 82,1 поени, Македонија е рангирана на 37 место во онаа европска зона, односно на 75. позиција во светскиот поредок кој го прави ФИБА.
Тоа значи и „скок“ од четири позиции напред, по што оваа календарска година и може да се оквалификува како успешна за нашата женска репрезентација.
Инаку, сосема очекувано, селекцијата на САД е далеку најдобрата во најновото рангирање. Има 829.3 поени, пред Шпанија која е втора со 685.8 и Австралија со 676.8 поени.
Од репрезентациите кои се во нашата квалификациска група за Евробаскетот 2023, високо котира Белгија која е шестопласирана на светската рејтинг листа на ФИБА. Босна и Херцеговина е на 18. место во европскиот, и на 27. место во светскиот поредок, додека Германија е 23. во Европа, односно 38 во светот.
