Првенството може да почне, 38.издание на Европскиот шампионат во женска конкуренција стартува денеска. Во две држави, Франција и Шпанија, во два града, Стразбур и Валенсија, вкупно 16. национални селекции ќе тргнат во битка за европскиот престол.
Поделени во четири групи (по четири селекции) ќе треба да ја минат првата елиминациска фаза (17-20.јуни). Првопласираните четири од секоја група обезбедуваат директен пласман во четвртфиналето во кое ќе се пласираат и четирите селекции кои ќе го минат вториот, елиминациски дел-осминафинале, кој ќе се игра на 21.јуни.
Финалната фаза од шампионатот ќе се одигра во Валенсија, каде на 27. јуни ќе го имаме новиот европски првак.
Титулата ја брани селекцијата на Шпанија, еден од ко-организаторите на првенството. Ќе атакува на третиот пехар по ред, нешто што не се случило уште од 1991 година и „хет-трикот“ на СССР.
Најдобрите шест репрезентации од Евробаскетот 2021, ќе се квалификуваат за квалификацискиот турнир за Светскиот Куп кој во 2022 година ќе се одржи во Сиднеј (Австралија).
НАТПРЕВАРУВАЧКИ ГРУПИ НА ЕВРОБАСКЕТ 2021-ЖЕНИ
ГРУПА А: Белорусија, Словачка, Шпанија, Шведска
ГРУПА Б: Грција, Италија, Црна Гора, Србија
ГРУПА Ц: Белгија, БиХ, Словенија, Турција
ГРУПА Д: Хрватска, Чешка, Франција, Русија
ДВОЈКИ ПРВО КОЛО
ДЕНЕСКА:
ГРУПА А
12.00: Шведска - Словачка
21.00: Белорусија - Шпанија
ГРУПА Б
15.00: Црна Гора – Грција
18.00: Србија – Италија
ГРУПА Ц
15.00: БиХ – Белгија
18.00: Словенија – Турција
ГРУПА Д
12.00: Русија – Чешка
20.45: Франција - Хрватска
