Гравелин имаше очаен старт на гостувањето во Булоњ против екипата на Левалоа. Уште во првата четвртина домашната екипа направи висока разлика. Поведе со (27:9), бегатива од која тимот на Војдан Стојановски не успеа да се опорави.
Левалоа - Гравелин Данкерк (89:57)
Навистина, до полувремето гостите од Данкерк симнаа пет поени од високата негатива (33:46). Период од игра во кој Стојановски реализираше два поени (1/4 во шутот од поле) и имаше една освоена топка за нецели десет минути во игра.
Во продолжението, домашната екипа одново одигра одлично во дефанзивата, ги оставија гостите на само седум поени. Дадоа 25, и во третиот период „побегнаа“ на недостижни (71:40).
До крајот на овој премиерен меч во ЛНБ лигата, капитенот на нашиот национален тим реализираше уште осум поени, или вкупно десет (4/8 за два и 2/3 за еден поен). Додаде и две освоени топки, еден скок, и една загубена топка за нецели 24:25 минути на паркетот.
