За пласман во главната рунда од ФИБА Европа Купот, Куманово и ТФТ треба да победат три екипи на турнирите кои ќе се одржат во периодот од 28 септември до 1 октомври.
![](https://kfsm.mk/codeframe/external/media/source/FIBA/1908-dvojki-2-kolo-fiba%20evropacup.png)
Освен што ги добија четвртфиналните ривали, нашите претставници во ова натпреварување сега знаат и со кого би вкрстиле ако ги поминат првите пречки. Речиси сите клубови кои учествуваат во ФИБА Европа купот доаѓаат од лиги кои се посилни од македонската, а со тоа и ривалите се поквалитетни.
Кумановци прво ќе играат со австрискиот тим Гмунден и ако го поминат ќе се сретнат со холандскиот Гронинген. Евентуален триумф и таму ќе ги однесе во финале со најтрофејниот португалски клуб Бенфика или актуелниот освојувач на Купот на Романија, Волунтари.
![](https://kfsm.mk/codeframe/external/media/source/FIBA/1908-dvojki-3-kolo-fiba%20evropacup.png)
ТФТ има подеднакво тешка задача. Прво ќе игра со Натуртекс од Унгарија, а ако победи, ќе се сретне со германскиот Меди Бајројт. Триумф и во оваа рунда ќе значи финале со подобриот од пресметката меѓу Енисеј од Русија и Хапоел Хаифа од Израел.
Во претстојниот период ќе се знаат и клубовите кои ќе ги организираат четирите квалификациски турнири.