Програмата FIBA Europe Coaching Certificate (FECC) ја воспостави својата позиција како една од најпрестижните тренерски програми во европскиот спорт, развивајќи тренери кои работат со млади таленти.
FECC им нуди на тренерите од Европа и од целиот свет единствена можност да учат од некои од најдобрите во овој тренерски сегмент.
Сертификатот се фокусира на областите кои се важни во идентификувањето и развојот на младите таленти, истовремено нудејќи можност да се поврзат со други тренери и да завршат програма што ќе го зголеми нивното кошаркарско знаење, како и ќе им помогне да најдат работа.
Под менторство на Светислав Пешиќ, победнички тренер на повеќе титули европски и светски шампионати, FECC е изграден околу клиниките одржани за време на младинските Европското првенства на ФИБА.
Во овој случај, клиниката е дел од ФИБА „Челенџер“ турнирот за кошаркари „Под 16“ години кој од 16 до 21 август ќе се одржува во Скопје.
Тренерите, повеќе од 60 присутни во нашиот главен град, предводени од одговорниот за овој проект, Мајкл Шварц, деновиве имаат можност да поминуваат време во салата на СРЦ „Кале“ гледајќи натпревари од „Челенџерот“, а исто така да учествуваат во групи за дискусија и да присуствуваат на работилници во малата сала на СЦ „Јане Сандански“, амфитеатарот на „Европски Универзитет,“ и хотелот „Парк“.
И тоа под будно око на проектната група FECC, која ги вклучува на пример Светислав Пешиќ, Јанез Дрварич, Ненад Труниќ, Ари Шивек, како и други надворешни експерти во областите на јачина и кондиционирање; исхрана; служење; анти-допинг; превенција на повреди; психологија; педагогија и дидактика.
Водени во период од две години, на учесниците им се даваат и домашни задачи и задачи за хартија што треба да ги завршат во свое време.
Инаку, согласно со утврдениот систем на функционирање, секоја национална федерација има право да регистрира три (3) тренери, рангирани по приоритет. За секоја Федерација, тренерот со највисок приоритет во ова рангирање, како Влатко Мирковски, кој е дел од пријавените тренери за клиниката, имаат загарантирано место во програмата FECC.
За да го добие сертификатот за тренинг ФИБА Европа, секој учесник треба да ги посети сите три годишни клиники во целост.
Доколку присуството на една годишна клиника не е можно, Комитетот за испитување има можност да му даде дозвола на учесникот да продолжи со FECC во иста фаза со следната група.
За да дојдат до FECC, учесниците треба да положат различни испити во секоја фаза од програмата.
