Екипата на Црн Дрим е последниот учесник во полуфиналето од разигрувањето за две места во Третата лига кои водат во повисок ранг на натпреварување во наредната натпреварувачка сезона 2024/2025.
Во третиот, и одлучувачки натпревар од четвртфиналето, стружани беа подобри од Гевгелија со (77:52), доволно за да го освојат вториот поен во серијата и да се најдат во полуфиналето.
А за место во финалето, во исто време и во Втората лига, Црн Дрим ќе се сретне со екипата на Струмица која претходно го елиминираше ИБА баскет со максимални (2-0) во серијата.
Во второто полуфинале ќе се сретнат екипите на Бутел и на Феникс баскет, кои исто така, во два натпревари, беа подобри од своите ривали, екипите на Хераклеа и на Маџари ГБ.
Пласман во полуфиналето ќе обезбедат екипите кои ќе бидат подобри во серијата „подобар од три натпревари“.
ТРЕТА ЛИГА-МАЖИ - РАЗИГРУВАЊЕ
ДВОЈКИ – ПОЛУФИНАЛЕ
Бутел – Феникс баскет
Црн Дрим - Струмица
