Екипите Бутел, Струмица и Феникс баскет се првите кои обезбедија по две победи во оваа четвртфинална серија, и беа промовирани во полуфиналисти од разигрувањето за две места кои водат во Втората лига.
Овој „трилинг“ запиша победа и на гостински терен, и со максимален резултат (2-0) ги затворија сериите од оваа прва елиминациска фаза.
Изненадување е дефинитивно поразот на екипата на Црн Дрим на гостувањето во Гевгелија, каде домашниот третолигаш славеше со (86:81). Ова е прв пораз на екипата од Струга во оваа конкуренција, па за место во следната натпреварувачка рунда ќе мора да одиграат и трет натпревар, кој ќе ги даде двете полуфинални двојки.
Едната е веќе позната, за место во финалето и пласман во Втората лига ќе разигруваат Бутел и Феникс баскет, додека пак Струмица го чека победникот од „мајсторката“ помеѓу Црн Дрим и Гевгелија.
ТРЕТА ЛИГА-МАЖИ - РАЗИГРУВАЊЕ- ЧЕТВРТФИНАЛЕ
РЕЗУЛТАТИ – ВТОР НАТПРЕВАР
Хераклеа – БУТЕЛ* 58:104 (0-2)
Гевгелија - Црн Дрим 86:81 (1-1)
ИБА Баскет – СТРУМИЦА* 55:80 (0-2)
Маџари ГБ - ФЕНИКС БАСКЕТ* 65:100 (0-2)
*обезбедиле место во полуфиналето
ДВОЈКИ – ПОЛУФИНАЛЕ
Бутел – Феникс баскет
Гевгелија/Црн Дрим - Струмица
