Овој викенд кој е зад нас, третолигашите го комплетираа шестиот круг од натпреварувањето во оваа конкуренција.
А се чини дека најмногу причини за задоволство имаат кошаркарите на Тетекс ТТК, од причина што освен убедливиот триумф (98:63), во локалното тетовско дерби против Љуботен, го задржаа и оној максимален ефект. Имаат пет победи во исто толку одиграни мечеви, доволни за првото место во групата „А“ од ова натпреварување.
Во ова друштво, прв пораз запиша екипата на Феникс баскет. И тоа на гостувањето во Дебар, каде подобра од нив беше екипата на Дибра Иглс (81:65), додека пак победа на гостински терен извојува екипата на МКК Куманово, против Младинец (73:68).
Во групата „Б“, во една иста ситуација е екипата на Хераклеа. Битолскиот третолигаш беше успешен и во ова шесто коло. На блиското гостувањето во Прилеп, беа доста подобри од вториот тим на Мега баскет, победија со високи (96:69), што е нивни петти успех во сезоната, и лидерско место во оваа група, пред екипата на Овче Поле која победи на гостински терен кај ИБА Скопје со (75:62), за скор (4-2).
Во групата „Ц“, засега без грешка е екипата на МКК Вардар, која убедливо го порази (73:51), за трета победа во исто толку одиграни мечеви во оваа група во која има пет екипи-учеснички.
ТРЕТА ЛИГА-МАЖИ
РЕЗУЛТАТИ 6. КОЛО
ГРУПА А
Тетекс ТТК – Љуботен 98:63
Дибра Иглс – Феникс баскет 81:65
Младинец – МКК Куманово 68:73
Гостивар 2 – слободен
ТАБЕЛА: Тетекс ТТК 10, Љуботен 10, Феникс баскет 9, МКК Куманово 7, Дибра Иглс 7, Гостивар 2 6, Младинец 5;
ИДНО КОЛО (07.12)
Феникс баскет – Тетекс ТТК
МКК Куманово – Дибра Иглс
Гостивар 2 - Младинец
Љуботен - слободен
ГРУПА Б
ИБА Скопје – Овче Поле 62:75
Мега баскет јуниор – Хераклеа 69:96
Конзули – Спортисимо баскет 83:58
Чаир 2030 - слободен
ТАБЕЛА: Хераклеа 10, Овче Поле 10, Конзули 8, ИБА Скопје 7, Чаир 2030 7, Спортисимо баскет 6, Мега баскет јуниор 6;
ИДНО КОЛО (07.12)
Хераклеа – ИБА Скопје
Спортисимо баскет – Мега баскет јуниор
Чаир 2030 - Конзули
Овче Поле - слободен
ГРУПА В
МКК Вардар – Гевгелија 73:51
04.12: Баскет Дино - Шкупи
Струмица Ролинг - слободен
ТАБЕЛА: МКК Вардар 6, Гевгелија 6, Струмица Ролинг 5, Шкупи 2 (-1), Баскет Дино 1 (-1);
ИДНО КОЛО (07.12)
Шкупи – МКК Вардар
Струмица Ролинг – Баскет Дино
Гевгелија – слободен
