Уште еден натпревар одиграа кошаркарите на Работничи во „балонот“ на Златибор против една екипа која доаѓа од Црна Гора. Откако прво загубија од Студентски град, а потоа ја победија Погорица, на ред дојде и пресметката со еден од најстарите клубови на тие простори – Ловќен од Цетиње.
РАБОТНИЧКИ – ЛОВЌЕН 82:77
Нашиот тим остана „верен“ на тактиката, со тројки да ја пробива противничката одбрана. Во првото полувреме „црвено-белите“ исфрлија дури 18, топки до таа позиција. Погодија шест, од нив половина беа од Балмазовиќ (погоди две), исто толку реализираше и капитенот Николовски.
Доволно за тимот од „Градски парк“ да одржи водство, кое по 20.минути беше изразено со седум поени „вишок“, (39:32).
Не се променија работите ни по паузата. Работнички умешно го одржуваше тоа солидно водство. Имаа „црвено-белите“ и плус од 12. поени (53:41) во 28.минута. Но третиот период го завршија со четири помалку (57:49).
Серијата (11-3) во првите три минути од последниот период го донесе Работнички и до најубедливото водство на натпреварот, (68:52).
Екипата од Цетиње се закани со своја мини серија, намали на (66:73) на нешто повеќе од две минути до крајот. Питс и Вашингтон не дадоа ништо повеќе од тоа. Ја вратија прендоста, на двоцифрена (77:67), а нашиот претставник стигна до уште еден триумф на турнирот во Чајетина.
По три одиграни кола Работнички е веќе во позитива. Има ефект од две победи и еден пораз.
А утре вечер, од 21.часот, екипата на МЗТ Скопје Аеродром го игра својот меч од ова трето коло. За противник „металците“ го имаат составот на Широки.
