Денеска во Гевгелија, стартуваше второто издание на меморијалниот турнир „Боби Петковски“. Собир на кој освен јуниорската репрезентација на Македонија учествуваат и оние на Црна Гора, Израел и Грција.
Честа да го отворат турнирот на имаа селекциите „Под 18“ години на Македонија и на Грција.
МАКЕДОНИЈА (У18) – ГРЦИЈА (У18) 66:93
Почетокот помина во доста израмнета игра во која двете екипи направија неколку промени на водството.
Во 13. минута, Грција поведе со двоцифрени (29:18), што беше знак за селекторот Апостолски Лечиќ да побара тајм-аут, во обид да ја сопре серијата на противникот, кој ја доби првата четвртина со (21:17).
Период од играта вo кој селекторот на нашиот јуниорски тим веќе „изротира“ 11. од вкупно 14. играчи кои влегоа во пријавната листа за овој премиерен меч од турнирот во Гевгелија.
![](https://kfsm.mk/codeframe/external/media/source/turnir-bobi%20petkovski-gevgelija-2023/2706-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0-%D0%B3%D1%80%D1%86%D0%B8%D1%98%D0%B0-%D0%BF%D1%80%D0%B8%D1%98%D0%B0%D1%82%D0%B5%D0%BB%D1%81%D0%BA%D0%B0-%D0%B3%D0%B5%D0%B2%D0%B3%D0%B5%D0%BB%D0%B8%D1%98%D0%B0-1.jpg)
Слично беше и на полувремето, селекцијата „Под 18“ на нашиот јужен сосед имаше убедлива предност (46:31).
Но тоа не ги поколеба нашите млади играчи, кои по одморот, заиграа уште подобро. И за кратко време високата негатива ја сведоа на достижна.
По поените на Лукановски, намаливме на (44:52), а кога погоди Иванов, негативата беше уште пониска (47:54), кога се играше 27.минута од оваа прва посериозна проверка за нашите најдобри јуниори.
![](https://kfsm.mk/codeframe/external/media/source/turnir-bobi%20petkovski-gevgelija-2023/2706-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0-%D0%B3%D1%80%D1%86%D0%B8%D1%98%D0%B0-%D0%BF%D1%80%D0%B8%D1%98%D0%B0%D1%82%D0%B5%D0%BB%D1%81%D0%BA%D0%B0-%D0%B3%D0%B5%D0%B2%D0%B3%D0%B5%D0%BB%D0%B8%D1%98%D0%B0-2.jpg)
Не се промени ништо и во наредните три минути, па двете селекции ја дочекаа последната четвртина со резултат (51:59) за Грција.
Во првите две од четврттиот дел, со серија од (8-0) гостите се одвоија на (67:51).
Капитенот Шошкиќ реализираше 21.поен, имаше и четири асистенции и три скока, Иванов, Стојанов, Лукановски и Величковски додадоа по осум, Јакимовски седум, а Кириловски уште шест поени за нашата репрезентација.
![](https://kfsm.mk/codeframe/external/media/source/turnir-bobi%20petkovski-gevgelija-2023/2706-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0-%D0%B3%D1%80%D1%86%D0%B8%D1%98%D0%B0-%D0%BF%D1%80%D0%B8%D1%98%D0%B0%D1%82%D0%B5%D0%BB%D1%81%D0%BA%D0%B0-%D0%B3%D0%B5%D0%B2%D0%B3%D0%B5%D0%BB%D0%B8%D1%98%D0%B0-9.jpg)
Утре попладне, во истиот термин, од 17.часот, Македонија игра против репрезентацијата на Црна Гора.
Вечерва се игра и вториот меч од првиот ден на турнирот во Гевгелија. Од 19.часот, на теренот во салата „26.април“ во Гевгелија ќе истрчаат јуниорските репрезентации на Црна Гора и на Израел.