Во Перм нè чекаат попладневни пресметки - КФСМ
27.01.2021

Мечевите во кои ќе се бориме за пласман на ЕП ќе ги играме во рани термини, одлучи ФИБА

Во Перм нè чекаат попладневни пресметки

Машката сениорска репрезентација на Макоднија ќе ги одигра решавачките натпревари од квалификациите за Евробаскетот 2022 во доста рани термини, одлучи натпреварувачката комисија на ФИБА.

Рани според македонската пресметка на времето кое е „четири часа“ оддалечено зад часовната зона во Перм, каде ќе се игра и февруарскиот „меур“ од квалификациите.

Првиот натпревар на турнирот кој ќе се игра во Арената „Молот“, многу извесно без присуство на публика, ќе го играме против селекцијата на Италија, од 15.30 по македонско, односно 19.30 по локално време.

Ден подоцна, во истиот термин, 15.30/19.30 часот, ќе го одиграме и дуелот против домашната селекција на Русија.

Вториот натпревар на турнирот во Перм, против репрезентацијата на Италија, ќе го играме на 21.февруари, во најран можен термин, 13.часот по наше сметање, односно 17.часот по локално.

Веројатно пресудниот меч за пласман на завршниот турнир на најдобрите европски селекции, против Естонија, е предвиден за 22. февруари, со почеток од 15.часот по македонско време, односно во 19.часот по локално.   

РАСПОРЕД НА НАТПРЕВАРИТЕ НА ТУРНИРОТ ВО ПЕРМ

18.ФЕВРУАРИ

Италија – Македонија

19:30 локално време (15:30 во Скопје)

19.ФЕВРУАРИ

Македонија – Русија

19:30 локално време (15:30 во Скопје)

21. ФЕВРУАРИ

Македонија – Италија

17:00 локално време (13:00 во Скопје)

22. ФЕВРУАРИ

Естонија – Македонија

19:00 локално време (15:00 во Скопје)