На Светското првенство во 2019 година, а исто така и на Евробаскетот во 2022 година, Литванија се соочи со тешка ждрепка и не успеа да се пласира во четвртфиналето. Сега, тие се јасни фаворити за да се пласираат не само во првата „осумка“, туку и понатаму...
Фаворит: Литванија
Литванија не успеа да стигне до четвртфиналето во Кина, а три години подоцна, нивната кампања за Евробаскетот, започна бавно. Момент што никогаш не им дозволи да се вратат на вистинскиот пат и да се вратат назад, во „лов на медали“.
Не заборавајте дека Словенија и Лука Дончиќ ги воодушевија преполните трибини на Олимпискиот квалификациски турнир во Литванија во 2021 година, што значи дека има многу разочарувања за една од најголемите кошаркарски нации во светот. Патот „назад“ кон врвот, започнува со Црна Гора, Мексико и Египет во групата „Д“.
Нивните комбинирани рекорди на Светските првенства на сите времиња: 24-56. Рекордот на Литванија на Светското првенство на сите времиња: 27-14.
Аутсајдер: Египет
Датумот е 12 август, 1994 година. Тоа беше пред 29 години, плус две недели или повеќе. Тогаш Египет го доби својот последен натпревар на едно Светско првенство, против Куба, во класификациските натпрвари за пласмна од 13-16 место.
Тие ќе бараат малку повеќе од таа „канадска магија“ сега, во 2023 година, а и поради рекордот на сите времиња и речиси 30-годишната суша, тие се аутсајдерите на оваа група.
Главен натпревар: Црна Гора против Мексико
Доколку Литванија е фаворит, а Египет е аутсајдерот, тогаш клучна игра би била првиот натпревар од првиот натпреварувачки ден во оваа група. Тогаш Црна Гора ќе го пречека Мексико. И победникот може да остане „жив“ и да се бори за првото место, додека поразениот треба да „се искачи на планина“ за да има шанса да стигне до втората рунда.
Црна Гора добива се повеќе и повеќе искуства со големи настани, но внимавајте на Мексико. Имаа квалификации за паметење. Ги поразија Соединетите американски држави, и тоа три пати во последните пет години, па ако ги видиме во „завршните 16“, тоа воопшто не би било изненадување.
Отворено прашање: Ќе има ли Црна Гора една голема трка?
Никола Вучевиќ и Бојан Дубљевиќ не стануваат помлади, и иако списокот на Црна Гора секогаш изгледа импресивно, се чини дека нешто недостасува кога ќе стигнат до финалните рунди на Светското односно Европското првенство.
Имаат сантиметри (или инчи) за да се издигнат во оваа група и нивната висинска предност ќе биде јасна од самиот почеток. Сега е прашање, дали конечно ќе преминат од постојан квалификатор во вечен предизвикувач кога ќе започнат главните настани.
