Во последните два натпревари од 5. коло од Втората лига, две домашни победи.
Во Велес, кошаркарите на Борец баскет излегоа како победници во дуелот со Партизан Водно Санс (100:90). Одличен почеток имаа домашните кошаркари, првата четвртина ја добија со убедливи (30:18). Но во втората гостите од Скопје вратија со иста мерка, реализираа дури 36.поени, и преминаа во водство (54:49).
Но во второто полувреме Борец баскет покажа поголема стабилност, и играчка и резултатска и стигна до четврттиот последувателен триумф кој ги оддржува на делба на првата позиција заедно со екипите на Соколи 1933, Црн Дрим и Ангели (скор 4-1).
Со 26.поени младинскит репрезентативец Стојковиќ ја предводеше петорката на домашни играчи кои имаа двоен поентерски ефект. Искусниот Штерјов даде 19, Карталовиќ имаше 18, а Чадамов и Петровиќ уште по 13.поени.
Победа запиша и екипата на Охрид, која пред своите гледачи во салата „Билјанини извори“ беше многу подобра од МЗТ Скопје Уни Банка (74:53).
Многу работи беа решени уште во текот на првите 20.минути во кои охридскиот второлигаш се стекна со убедлива предност (38:21), која беше недостижна за младиот состав од Аеродром.
Капитенот Бојовски постигна 20.поени, Стојаноски дојде до 19, а Димитриевски забележа уште 12.поени во домашниот тим за кого ова е втор триумф во пет одиграни натпревари.
Во гостинската, Масевски беше реализатор на 20.поени, а Величковски дополни со уште 10.
ВТОРА ЛИГА-МАЖИ
РЕЗУЛТАТИ 5. КОЛО
Охрид – МЗТ Скопје Уни Банка 74:53
Борец баскет – Партизан Водно Санс 100:90
Ангели – Академија ФМП 79:55
Бутел – Црн Дрим 64:73
Мега баскет – Работнички 2018 83:78
Маџари – Соколи 1933 81:96
ТАБЕЛА: Соколи 1933 9, Ангели 9, Борец баскет 9, Црн Дрим 9, Маџари 8, Мега баскет 8, Бутел 7, Охрид 7, МЗТ Скопје Аеродром 7, Работнички 2018 6, Партизан Водно Санс 6, Академија ФМП 5;
ИДНО КОЛО (16.11)
Работнички 2018 – Борец баскет
Црн Дрим – Академија ФМП
Партизан Водно Санс – Охрид
МЗТ Скопје Уни Банка – Маџари
Бутел – Мега баскет
Соколи 1933 - Ангели
