Екипата на Соколи 1933 излезе како победник во дерби дуелот на 5. коло од Втората лига откако со сигурна игра, стигна до убедлив триумф на гостински терен кај Маџари (96:81)
Костадинов беше нерешлива енигма за домашната одбрана, реализираше извонредни 33.поени на овој натпревар. Караколев помогна со 17.поени, додека Шајкаров реализираше 10.поени за екипата од Штип, која сега е на ефект (4-1) и е лидер на табелата.
Нацевски и Тодоровски постигнаа по 15.поени за домашната екипа, Настовски имаше 13 а лефкоски уште 11.поени.
Ист таков ефект, четири победи и еден пораз има и екипата на Ангели која без особени проблеми славеше победа над екипата на Академија ФМП (79:55).
Но и екипата на Црн Дрим која победи на гостински терен, кај Бутел, на крајот со сигурни (73:64).
Одлично прво полувреме имаа стружани на ова гостување, во кое се стекнаа со предност од 15.поени, (44:29), која ја сочуваа во вториот дел од играта, и победија.
До триумфот број 4 ги водеше Камилоски кој постигна 25.поени, Шабани го следеше со 15.реализации. Узуноски имаше уште 12.
Кај Бутел, поените беа распределени кај Тодоровски кој даде 13, и Матевски кој имаше 10.
Со пресврт кој го направија во второто полувреме, кошаркарите на Мега баскет стигнаа до победата во мечот против Работнички 2018, со резултат (83:78).
Во првото полувреме, гостите од Скопје имаа предност од девет поени (36:27), која на крајот се покажа како недоволна за изненадување. Во вториот дел од играта прилепчани постигнаа дури 56.поени, кои го пресудија победникот. Екипа во која капитенот Велески дојде до 25.реализирани поени, јанески имаше 20.
Цветковски даде 25.поени за гостинската екипа, Трајковски имаше 21, Ванчов 15, а Нешовиќ уште 12.поени.
Две средби од овој петти круг, ќе се играат во недела...
Во 16.часот, во салата „Билјанини извори“ ќе се сретнат Охрид и МЗТ Скопје Уни Банка, додека еден час подоцна, во Велес, Борец баскет го пречекува Партизан Водно Санс.
ВТОРА ЛИГА-МАЖИ
РЕЗУЛТАТИ И ДВОЈКИ 5. КОЛО
Ангели – Академија ФМП 79:55
Бутел – Црн Дрим 64:73
Мега баскет – Работнички 2018 83:78
Маџари – Соколи 1933 81:96
10.НОЕМВРИ (НЕДЕЛА)
16.00: Охрид – МЗТ Скопје Уни Банка
Сала „Билјанини извори“ – Охрид
ЛИНК: https://www.youtube.com/live/PiyMrNiBLYQ?si=hrEWegsQ77aKrLNc
17.00: Борец баскет – Партизан Водно Санс
Сала „Гемиџии“ – Велес
ЛИНК: https://www.youtube.com/live/1qgEPa8nzqU?si=VgWygE0qESgH7Ch4
ТАБЕЛА: Соколи 1933 9, Ангели 9, Црн Дрим 9, Маџари 8, Мега баскет 8, Борец баскет 7 (-1), Бутел 7, Работнички 2018 6, МЗТ Скопје Аеродром 6 (-1), Партизан Водно Санс 5 (-1), Охрид 5 (-1), Академија ФМП 5;
