Овој викенд следува четврттиот круг од натпреварите во Втората лига, кој со себа носи нови очекувања, возбудувања, неизвесности, што беше одлика и на претходните три.
Стартен период од новата сезона во која најдобро почна екипата на Ангели, која е и единствената со максимален ефект, три победи во исто толку мечеви во второлигашката конкуренција.
А во оваа првенствена рунда екипата од Драчево ја очекува нималку лесно гостување во Струга, каде во сабота, од 15.часот, за противник ја имаат екипата на Црн Дрим, која има скор од две победи и еден пораз. И е една од неколкуте во групата со таков ефект.
Гостување, но во Струмица, (сабота, 12.часот), следува и за екипата на Маџари, која ќе има високи мотиви да се „исправи“ за поразот во претходното коло, токму од екипата на Ангели, во дуелот со Академија ФМП, која пак ја бара првата победа во оваа конкуренција.
Во сабота, но од 19.часот, во Штип ќе играат Соколи 1933 и Охрид, додека во најдоцниот термин (од 21.часот), следува пресметката помеѓу локалните ривали, Работнички 20118 и Бутел.
Особено интересен би требало да биде дуелот во СЦ „Јане Сандански“ кој се игра во неделен термин (17.часот), а во кој МЗТ Скопје Уни Банка го дочекува велешки Борец баскет.
Нешто порано (од 14.30 часот), младиот тим на Партизан Водно Санс ќе се обиде да дојде до првиот триумф во првата фаза во натпреварот против прилепски Мега баскет.
ВТОРА ЛИГА-МАЖИ
ДВОЈКИ 4. КОЛО
2.НОЕМВРИ (САБОТА)
12.00: Академија ФМП – Маџари
Сала „Парк“ – Струмица
15.00: Црн Дрим – Ангели
Сала „Нико Нестор“ – Струга
ЛИНК: https://www.youtube.com/live/y3dusHq4ADg?si=QRSyt34RXSdnST8s
19.00: Соколи 1933 – Охрид
Сала „Јордан Мијалков“ – Штип
ЛИНК: https://www.youtube.com/live/YnR8hJ2danQ?si=9tZj9NeJLAQE-vOK
21.00: Работнички 2018 – Бутел
Сала „Фискултурно“ - Скопје
3.НОЕМВРИ (НЕДЕЛА)
14.30: Партизан Водно Санс – Мега баскет
Сала „Борис Трајковски“ – Скопје
ЛИНК: https://www.youtube.com/live/4z9CP9QzDP4?si=_hCRpladwyo6pp2F
17.00: МЗТ Скопје Уни Банка – Борец баскет
Мала сала СЦ „Јане Сандански“ – Скопје
ЛИНК: https://www.youtube.com/live/70a4sGy2TT4?si=eB7s8b5w7M8rgqt-
ТАБЕЛА: Ангели 6, Маџари 5, Мега баскет 5, Борец баскет 5, Соколи 1933 4, МЗТ Скопје Аеродром 5, Црн Дрим 5, Работнички 2018 4, Бутел 4, Охрид 4, Академија ФМП 3, Партизан Водно Санс 3;
