Коло број 8 во второлигашката конкуренција во кое двете водечки екипи ќе имаат и тоа како сериозен предизвик пред себе. Екипите на Соколи 11933 и на борец баскет се соочуваат со две нималку лесни гостувања.
Особено тоа се однесува за штипјани, кои патуваат за Струга, каде во недела, од 16.часот, ги чека дуелот со екипата на Црн Дрим.
Екипа која има една победа помалку во однос на нив, но и со амбиции да дојде од успех, макар што и овој натпревар стружани ќе играат без помош на нивната публика поради суспензијата изречена од страна на комесарот за натпреварување.
На гостување оди и екипата на Борец баскет (скор 6-1), и тоа во Прилеп, каде во сабота, од 19.30 часот, ги чека дуелот со Мега баскет, екипа која ретко губи на домашен терен.
Инаку, ова коло ќе биде отворено вечерва, со дуелот во салата „Независна Македонија“ закажан за 17.45 часот, а во кој следува пресметката на локалните ривали, екипите на Ангели и Партизан Водно Санс.
Дуел на две скопски екипи ќе гледаме и во недела, од 11.часот, во салата на „Фискултурно“ во кој ќе се сретнат Работнички 2018 и Маџари.
Во ран термин, од 13.30 часот, во сабота, ќе играат екипите на МЗТ Скопје Уни Банка и Академија ФМП, а некој час подоцна (17.00) во Бутел гостува екипата на Охрид.
ВТОРА ЛИГА-МАЖИ
ДВОЈКИ 8. КОЛО
29.НОЕМВРИ (ПЕТОК)
17.45: Ангели - Водно Санс
Сала „Независна Македонија“ – Скопје
30.НОЕМВРИ (САБОТА)
13.30: МЗТ Скопје Уни Банка – Академија ФМП
Мала сала на СЦ „Јане Сандански“ – Скопје
17.00: Бутел – Охрид
Сала „Илија Хаџи Николов“ – Скопје
19.30: Мега баскет – Борец баскет
Сала „Добре Ивановски“ – Прилеп
1.ДЕКЕМВРИ (НЕДЕЛА)
11.00: Работнички 2018 – Маџари
Сала „Фискултурно“ - Скопје
16.00: Црн Дрим – Соколи 1933
Сала „Нико Нестор“ – Струга
ТАБЕЛА: Соколи 1933 13, Борец баскет 13, Ангели 12, Црн Дрим 12, Маџари 11, Охрид 11, Мега баскет 11, Бутел 10, МЗТ Скопје Уни Банка 10, Работнички 2018 8, Партизан Водно Санс 8, Академија ФМП 7:
