Одличното прво полувреме во кое акумулираа голема позитива се покажа како решавачко за победата на Шкупи против Маџари (86:78) во првиот полуфинален натпревар од разигрувањето за пополнување на Првата лига.
Одличен вовед во мечот број 1 од серијата која треба да даде еден прволигаш. имаа избраниците на тренерот Тони Симиќ.
Десет минути во кои направија и десет поени „вишок“ (27:17).
![](https://kfsm.mk/codeframe/external/media/source/vtora%20liga-mazi/sezona%202023-2024/2704-%D1%88%D0%BA%D1%83%D0%BF%D0%B8-%D0%BC%D0%B0%D1%9F%D0%B0%D1%80%D0%B8-2.jpg)
И не се задоволија со тоа затоа што во наредната, таа предност скоро и ја удвоија. На полувремето имаа големи (47:29).
Но по паузата, гостите од Маџари заиграа многу подобро, а во последниот период од играта и уште поефикасно.
Од минута во минута ја намалуваа високата негатива. И во последната дојдоа до минус од само четири поени (78:82). Дури имаа и напад за да го направат натпреварот драматичен. Не го искористија обидот за три поени, по што прво Тачи, а потоа Џеладини од линијата за слободни фрлања, ја потврдија победата, за сепак, подобрата екипа во текот на сите 40.минути, први од оваа серија.
![](https://kfsm.mk/codeframe/external/media/source/vtora%20liga-mazi/sezona%202023-2024/2704-%D1%88%D0%BA%D1%83%D0%BF%D0%B8-%D0%BC%D0%B0%D1%9F%D0%B0%D1%80%D0%B8-6.jpg)
Димитровски постигна 20.поени, капитенот Камбери реализираше 14. Џеладини имаше 13, а Тачи уште 11.поени во победничката екипа, која сега има две шанси за да се промовира во нов прволигаш.
Во гостинската, Карло Блажевски постигна 22.поени, и беше најефикасен играч на натпреварот, а Настовски, Тодоровски и Паоло Блажевски реализираа уште по 12.поени.
ВТОРА ЛИГА-МАЖИ - РАЗИГРУВАЊЕ – ПОЛУФИНАЛЕ
РЕЗУЛТАТИ - ПРВ НАТПРЕВАР
Шкупи – Маџари 86:78 (1-0)
МКК Куманово – Маџари 77:47 (1-0)
*сериите во разигрувањето се играат според системот „подобар во три натпревари“