Дуелот кој во недела навечер (од 18.часот), ќе се игра во салата „Јордан Мијалков“ в Штип, а во кој ќе се сретнат две од четирите водечки екипи, Соколи 1933 и Ангели, треба да биде белег на шестото второлигашко коло.
Натпревар во кој ќе се судрат две екипи кои во изминатите пет кола прикажаа добри игри, а имаат и добар скор (четири победи и еден пораз). Па извесно е дека победникот ќе биде и чекор понапред во реализација на планираните цели за оваа натпреварувачка сезона.
По успехот на гостувањето во Бутел, екипата на Црн Дрим, која има идентичен ефект (4-1), е домаќин на Академија ФМП во натпревар кој ќе се игра без присуство на публика, а е закажан за сабота, од 16.часот во салата „Нико Нестор“ во Струга.
Екипата која зад себе има четири победи во серија, Борец баскет пак патува за Скопје, каде во еден ран термин (11.30 часот), ќе игра против младиот тим на Работнички 2018, во обид да дојде и до петтиот последувателен успех на почетокот на оваа натпреварувачка кампања.
Во ист термин, 11.30 часот, но еден ден порано, во Скопје, поточно во салата на СЦ „Борис Трајковски“ ќе играат екипите на Партизан Водно Санс и Охрид, а од 14.часот, но во салата „Илија Хаџи-Николов“ во Бутел, ќе гостува прилепски Мега баскет.
Во неделниот термин, освен дерби дуелот во Штип, ќе се игра уште еден натпревар во кој ќе се сретнат екипи кои запишаа неуспех на последните мечеви, оние на МЗТ Скопје Уни Банка и Маџари. Ќе се игра од 17.часот, во малата сала на СЦ „Јане Сандански“.
ВТОРА ЛИГА-МАЖИ
ДВОЈКИ 6.КОЛО
16.НОЕМВРИ (САБОТА)
11.30: Партизан Водно Санс – Охрид
СЦ „Борис Трајковски“ – Скопје
ЛИНК: https://www.youtube.com/live/SRUQ-mr6dZw?si=DKSo2VkwIsb-munh
16.00: Црн Дрим – Академија ФМП
Сала „Нико Нестор“ – Струга
ЛИНК: https://www.youtube.com/live/EzIs4f88vxY?si=bHyoM6ls7olcacfY
14.00: Бутел – Мега баскет
Сала „Илија Хаџи Николов“ – Скопје
ЛИНК: https://www.youtube.com/live/bZJK41zRoro?si=5x5Y6yf-d6D9vcOy
17. НОЕМВРИ (НЕДЕЛА)
11:30: Работнички 2018 – Борец баскет
Сала „Фискултурно“ – Скопје
17.00: МЗТ Скопје Уни Банка – Маџари
Сала „Независна Македонија“ – Скопје
ЛИНК: https://www.youtube.com/live/TaBTWm06L94?si=4uSptjJ78ycBLlo5
18.00: Соколи 1933 – Ангели
Сала „Јордан Мијалков“ – Штип
ЛИНК: https://www.youtube.com/live/FhZN44y98a8?si=aIUtwkZ5JwXBmm8L
ТАБЕЛА: Соколи 1933 9, Ангели 9, Борец баскет 9, Црн Дрим 9, Маџари 8, Мега баскет 8, Бутел 7, Охрид 7, МЗТ Скопје Аеродром 7, Работнички 2018 6, Партизан Водно Санс 6, Академија ФМП 5;
