По четири одиграни кола, пет екипи се со идентичен ефект, односно имаат забележано по три победи и еден пораз, што најавува максимално неизвесно натпреварување во оваа второлигашка конкуренција.
Во „преден план“ во претстојното петто коло ќе биде дуелот во салата „Наум Наумовски-Борче“, закажан за 9.ноември (сабота), од 19.часот, во кој ќе се сретнат екипите на Маџари и на Соколи 1933, кои се на идентичен ефект (3-1), и на делба на првото место на табелата.
Во истото време, во Прилеп, ќе се сретнат екипите на Мега баскет и Работнички 2018.
Во саботните термини се уште два натпревари. Од 17.часот, во салата „Независна Македонија“; кошаркарите на Ангели ќе се обидат да заборават на првиот пораз, оној на последното гостување во Струга, во меч каде за ривал ја имаат екипата на Академија ФМП, која засега е без позитивен резултат. Еден час подоцна, во Бутел ќе гостува токму второлигашот од Струга, екипата на Црн Дрим.
Две средби од овој петти круг, ќе се играат во недела...
Во 16.часот, во салата „Билјанини извори“ ќе се сретнат Охрид и МЗТ Скопје Уни Банка, додека еден час подоцна, во Велес, Борец баскет го пречекува Партизан Водно Санс.
ВТОРА ЛИГА-МАЖИ
ДВОЈКИ 5. КОЛО
9.НОЕМВРИ (САБОТА)
17.00: Ангели – Академија ФМП
Сала „Независна Македонија“ – Скопје
ЛИНК: https://www.youtube.com/live/pJo5OJ9K4kQ?si=7_UQmphf2_toQf7o
18.00: Бутел – Црн Дрим
Сала „Илија Хаџи-Николов“ – Скопје
ЛИНК: https://www.youtube.com/live/l6jvauzVsLw?si=ACZLa7QMdPGO533c
19.00: Мега баскет – Работнички 2018
Сала „Добре Јовановски“ – Прилеп
19.00: Маџари – Соколи 1933
Сала „Наум Наумовски-Борче“ – Скопје
ЛИНК: https://www.youtube.com/live/O9QjQ_jbVAs?si=kQ-G1ru6tJEAsFpO
10.НОЕМВРИ (НЕДЕЛА)
16.00: Охрид – МЗТ Скопје Уни Банка
Сала „Билјанини извори“ – Охрид
ЛИНК: https://www.youtube.com/live/PiyMrNiBLYQ?si=hrEWegsQ77aKrLNc
17.00: Борец баскет – Партизан Водно Санс
Сала „Гемиџии“ – Велес
ЛИНК: https://www.youtube.com/live/1qgEPa8nzqU?si=VgWygE0qESgH7Ch4
ТАБЕЛА: Маџари 7, Соколи 1933 7, Борец баскет 7, Ангели 7, Црн Дрим 7, Мега баскет 6, Бутел 6, МЗТ Скопје Аеродром 6, Работнички 2018 5, Партизан Водно Санс 5, Охрид 5, Академија ФМП 4;
