Третото натпреварувачко коло во Втората лига, носи дуел во кој ќе се сретнат две екипи кои се со максимален ефект по двете одиграни кола.
Во сабота, од 19.часот, во салата „Наум Наумовски-Борче“ во Маџари, ќе се сретнат екипите на Маџари и на Ангели, секој со свои пресметки во обид(и) да се остане со максимален скор и по третата рунда од второлигашката конкуренција.
Во истиот термин, но во Прилеп, МЗТ Скопје Уни Банка, третата екипа со идентичен учинок во првите две кола, ќе се обиде да го направи истото. Да биде подобра од домашниот состав на Мега баскет.
Нималку лесна задача ќе има и штипски Соколи 1933, во недела (од 18.часот), го очекува гостување во Велес, каде пред себе ќе го има тимот на Борец баскет, кој во претходното коло беше подобар од Академија ФМП и кој со уште поголеми мотиви ги чека овие 40.минути.
Шанса за прв успех како второлигаши ќе чекаат кошаркарите на Бутел кои во последниот меч од овој круг (во понеделник, од 18.часот), ќе играат против екипата на Партизан Водно Санс.
Во иста ситуација се и екипите на Охрид и Академија ФМП, кои својот меч од ова трето коло ќе го одиграат нешто порано, од 16.часот, во салата „Билјанини извори“ во Охрид.
Ако се „мери“ моменталниот скор, извесно е дека неизвесност може да „владее“ на средбата помеѓу екипите на Работнички 2018 и Црн Дрим која ќе се игра во сабота навечер, од 20.часот, во салата „Методија Митевски-Брицо“ во Скопје.
ВТОРА ЛИГА-МАЖИ
ДВОЈКИ 3. КОЛО
26. ОКТОМВРИ (САБОТА)
19.00: Маџари – Ангели
Сала „Наум Наумовски-Борче“- Скопје
ЛИНК: https://www.youtube.com/live/v3uCIC9V_KI?si=qs2v3vYtfUgQUhI0
19.00: Мега баскет - МЗТ Скопје Уни Банка
Сала „Добре Јовановски“ - Прилеп
20.00: Работнички 2018 - Црн Дрим
Сала „Методија Митевски-Брицо“ – Скопје
27. ОКТОМВРИ (НЕДЕЛА)
16.00: Охрид - Академија ФМП
Сала „Билјанини извори“ – Охрид
ЛИНК: https://www.youtube.com/live/wE2iokmfQbA?si=YgYqXPvKoEwBjWKI
18.00: Борец баскет - Соколи 1933
Сала „Гемиџии“ – Велес
ЛИНК: https://www.youtube.com/live/3cd0MUyAVw4?si=oqNh-Y7cQn-PmDuH
28. OKТОМВРИ (ПОНЕДЕЛНИК)
18.00: Бутел - Партизан Водно Санс
Сала „Илија Хаџи Николов“ – Скопје
ЛИНК: https://www.youtube.com/live/mlR70cSRHvs?si=Sf8Z15xBWL5fh9il
ТАБЕЛА: Маџари 4, Ангели 4, Соколи 1933 4, МЗТ Скопје Аеродром 4, Работнички 2018 3, Борец баскет 3, Мега баскет 3, Црн Дрим 3, Бутел 2, Охрид 2, Академија ФМП 2, Партизан Водно Санс 2;
