Се повозбудливо станува во второлигашката конкуренција по осмото одиграно коло.
Рунда во која двете водечки екипи Соколи 1933 и Борец баскет, забележаа порази, и двете на гостински терен.
Штипски Соколи 1933 застана на гостувањето во Струга, каде подобра од нив беше екипата на Црн Дрим, која дојде до сигурна победа со резултат (88:74). Резултат со кој се израмни со противникот, но и со уште три екипи, кои се на (по) делба на првата позиција, сите со ефект од шест победи и два порази.
Камиловски реализираше 22.поени за струшкиот второлигаш. Здравковски имаше 18, а Шабани дополни со 14.поени. За штипскиот, најмногу поени дојдоа од Костадинов, кој уфрли 17, Караколев даде 14, а Коцев имаше уште 10.
Екипата на Мега баскет стави крај на успешната серија на игри и на победа на велешки Борец баскет. Дојдоа до исклучително важен триумф прилепчани, откако на свој терен беа подобри со резултат (78:69).
Јанески имаше 18. реализации, Велески стрелаше за 15.поени, Кузманоски имаше 14, а Домлески уште 11 за прилепскиот тим.
Во велешкиот, Петровиќ беше стрелец на 20.поени, Штерјов имаше 11, а Карталовиќ додаде уште десет.
Кошаркарите на Ангели продолжија со добри игри и резултати. Во овој круг беа подобри од младиот состав на Партизан Водно Санс, славеа со сигурни (95:77), освоија два бода со кои во чекор се со водечкиот двоец на табелата.
Кацарски, Ибраими и Богатиновски постигнаа по 18.поени, Стојанов даде 13, а Атанасов имаше 12 за екипата-победник.
Во поразената, Митев имаше 22.реализации, Бутемер 16, а Димовски уште 14.
Киров реализираше 29, а Цариќ дополни со 26. поени за екипата на Бутел која слави важен триумф против Охрид (88:77). Домашната имаше одлична прва, но и последна четвртина во која и беше решено и прашањето околу конечниот резултат.
На другата страна парираше Атанасов, кој постигна 25.поени, додека Бојовски имаше 18.
Екипата на МЗТ Скопје Уни Банка ја прекина серијата на порази со победа над последно пласираниот состав на Академија ФМП (84:80).
Масевски беше најефикасен играч на мечот. Дојде до бројката од 30. реализирани поени, Талевски постигна 15.поени за екипата од Аеродром.
Серафимовски погодуваше за 16.поени, Милевски имаше 13, а Тодосиев даде уште 11.поени за гостинската екипа која сеуште е без победа во Втората лига.
Екипата на Маџари стигна до успех на гостински терен, против Работнички 20118, славеше со сигурни (78:53), за два бода, и скор (5-3), со кој фаќа приклучок со водечките екипи во оваа второлигашка конкуренција.
Петкоски реализираше 16.поени, а Настовски 11.поени за гостинската екипа, додека во домашната Ванчов дојде до 18.поени, а Цветковски постигна 13.
ВТОРА ЛИГА-МАЖИ
РЕЗУЛТАТИ 8. КОЛО
Ангели - Водно Санс 95:77
МЗТ Скопје Уни Банка – Академија ФМП 84:80
Бутел – Охрид 88:77
Мега баскет – Борец баскет 78:69
Работнички 2018 – Маџари 53:78
Црн Дрим – Соколи 1933 88:74
ТАБЕЛА: Ангели 14, Борец баскет 14, Соколи 1933 14, Црн Дрим 14, Маџари 13, Мега баскет 13, Охрид 12, Бутел 12, МЗТ Скопје Уни Банка 12, Работнички 2018 9, Партизан Водно Санс 9, Академија ФМП 8;
ИДНО КОЛО (07.12)
Охрид – Мега баскет
Борец баскет – Црн Дрим
Маџари – Бутел
Академија ФМП – Водно Санс
Ангели – Работнички 2018
Соколи 1933 – МЗТ Скопје Уни Банка
