Две победи за крај на дружењето на петте национални селекции „Под 14“ години, во машка и во женска конкуренција, на Македонија во мечевите против своите врсници од Косово.
За машкиот состав, трета во четирите одиграни натпревари (пораз само до фаворитот Турција), за женскиот втора (претходно победа и против репрезентацијата на Романија).
КОСОВО (М) – МАКЕДОНИЈА (М) 37:57
Неверојатен почеток имаа нашите млади кошаркари на средбата со Косово. За нешто повеќе од седум минути, направија серија од 15.поени, која и го одреди понатамошниот тек на натпреварот. До крајот на тој прв период, гостите постигнаа пет поени, за наше водство од (18:5).
Во ист стил продолживме и во втората четвртина во која изградивме уште повисоко водство, на полувремето веќе беше (34:15).
Не запреа избраниците на селекторот Нермин Пепиќ и по „големиот одмор“, притискаа уште повеќе, и како своевидна награда дојде и уште повисок резултат, кој по три одиграни период гласеше (50:22).
Во оној последниот, шанса за играње добија сите кои се најдоа во ростерот на нашата селекција „Под 14“ години која со одличен скор (3-1) го одигра овој прв од серијата на турнири кои следуваат во наредниот период.
Капитенот Јетиши заврши со двоен ефект од 14.поени и 10. скока), додека Петковски додаде уште 10. поени
*Претходно својот последен меч на турнирот го одигра аи женските селекции на Македонија и на Косово.
КОСОВО (Ж) – МАКЕДОНИЈА (Ж) 28:40
Нашите девојчиња одиграа далеку подобро во првото полувреме, минути во кои се стекнаа со солидно водство (23:11), кое се покажа како недостижно за противничката екипа.
Поентерски, во нашата селекција, се издвоија Ивановска, која реализираше 15.поени, и Алексова, која додаде уште 12. На крајот, доволно за половичен, и доста добар ефект во изминатите четири дена на турнирот во СРЦ “Кале“. Две победи (против Романија и Косово) и два порази (од Турција у Бугарија).
РЕЗУЛТАТИ
1.КОЛО
Романија – Бугарија (ж) 30:58
Романија – Бугарија (м) 37:63
МАКЕДОНИЈА – Турција (ж) 15:49
МАКЕДОНИЈА – Турција (м) 61:83
2.КОЛО
Бугарија – Косово (ж) 59:19
Бугарија – Косово (м) 57:26
Романија – МАКЕДОНИЈА (ж)32:39
Романија – МАКЕДОНИЈА (м) 24:38
3.КОЛО
Турција – Бугарија (ж) 56:37
Турција – Бугарија (м) 79:58
Косово – Романија (ж) 24:51
Косово – Романија (м) 55:64
4.КОЛО
Косово – Турција (ж) 34:83
Косово – Турција (м) 35:71
МАКЕДОНИЈА – Бугарија (ж) 30:62
МАКЕДОНИЈА – Бугарија (м) 61:59
5.КОЛО
Турција – Романија (ж) 77:41
Турција – Романија (м) 67:54
Косово – МАКЕДОНИЈА (ж) 28:40
Косово – МАКЕДОНИЈА (м) 37:57
