Машката селекција на Македонија за играчи „Под 14“ години стигна и до својата втора победа на собирот во Скопје. Вечерва во навистина драматична завршница, со поените на Матеј Кермичиев, на секунда пред крај, излеговме како победници во дуелот против селекцијата на Бугарија.
МАКЕДОНИЈА – БУГАРИЈА 61:59
Една подобро одиграна четвртина онаа втората им беше доволна на младите кошаркари од кај нашиот источен сосед да дојдат до победата.
По израмнетиот почеток и десет минути во кои двете репрезентации си поделија по 16.поени, во продолжението Бугарија се стекна со сосема солидна предност, која на полувремето изнесуваше девет поени (35:26).
Егал се играше и по „големиот“ одмор, играта беше налик на онаа од првата четвртина, со разлика што двете селекции сега дадоа по 19.поени, како подобра опција за противникот кој го чуваше водството (54:45).
На почетокот на последниот период, Македонија направи мини-серија од (5-0) и се доближи на (50:54). А по поентирањето на Филипче, во 35.минута од играта дојдовме и до нерешен скор (56:56).
Нерешено беше и на „влезот“ во последната минута (59:59).
Шеесет секунди во кој во „меч-винер“ се промовира Матеј Кермичиев, кој ја проби гостинската одбрана, и буквално пред последниот звук на сирената поентираше за победа на Македонија.
Давид Петковски беше најефикасниот играч на натпреварот, постигна 23.поени за нашата селекција „Под 14“ години.
Претходно пораз запиша и нашата женска селекција. Бухарките беа доста подобар ривал, победија со резултат (30:62),
На затворањето на собирот во Скопје, во недела, наши противници ќе бидат младите кошаркар(к)и од Косово.
РЕЗУЛТАТИ И РАСПОРЕД НА НАТПРЕВАРИТЕ
1.КОЛО
Романија – Бугарија (ж) 30:58
Романија – Бугарија (м) 37:63
МАКЕДОНИЈА – Турција (ж) 15:49
МАКЕДОНИЈА – Турција (м) 61:83
2.КОЛО
Бугарија – Косово (ж) 59:19
Бугарија – Косово (м) 57:26
Романија – МАКЕДОНИЈА (ж)32:39
Романија – МАКЕДОНИЈА (м) 24:38
3.КОЛО
Турција – Бугарија (ж) 56:37
Турција – Бугарија (м) 79:58
Косово – Романија (ж) 24:51
Косово – Романија (м) 55:64
4.КОЛО
Косово – Турција (ж) 34:83
Косово – Турција (м) 35:71
МАКЕДОНИЈА – Бугарија (ж) 30:62
МАКЕДОНИЈА – Бугарија (м) 61:59
1. ДЕКЕМВРИ (НЕДЕЛА)
09.00: Турција – Романија (ж)
11.00: Турција – Романија (м)
13.00: Косово – МАКЕДОНИЈА (ж)
15.00: Косово – МАКЕДОНИЈА (м)
